Россия суруйааччыларын Сойууһун чилиэнэ А. Е. Варламова – Айысхаана, бэйэтэ этэринии, «кэлин хойутаан баран, хобо тыаһын хоҥкуната сылдьыбат курдук», токсикомания, наркомания курдук куһаҕан дьаллыктары эрдэттэн сэрэтэр, сырдатар соругу туруорунан, «Сүлүһүннээх иннэ» диэн сэһэнин 2005 с. суруйбута. Бу сэһэнинэн, Бүлүүтээҕи оройуоннай оҕо библиотеката бэлэмнээбит ТУРГУТУГУН ааһаргытыгар ыҥырабыт.
Саха народнай поэта, биллиилээх прозаик, драматург – Иван Михайлович Гоголев — Кындыл тохсунньу 18 күнүгэр төрөөбүтэ 90 сылын бэлиэтээбиппит. Үбүлүөйдээх тэрээһиннэр чэрчилэринэн ыытыллар 25-с «Гоголев ааҕыылара — 2020» «Уран тыл улуу маастара…» диэн улуустааҕы уус-уран ааҕыы күрэҕэ бу дьыл кулун тутар 11 күнүгэр буолан ааста.
Олунньу ыйга Бороҕон нэһилиэгин модельнай бибилэтиэкэтигэр, санааларын күүһүнэн төрөөбүт дойдубут киэн историятын, үһүйээннэрин, номохторун чинчийэн, кинигэ гынан бэчээттэтэн бар дьонноругар туохха да тэҥнэммэт бэлэх уунар ытык-мааны дьоммут – М. П. Григорьев, А. А. Павлов, И. А. Андросов – Айанньыт, П. С. Колтовской — «Үс Бүлүү айдарыылаахтара» уонна «Туоҕа Боотур удьуорун утума», «Тумаҥҥа симэлийбиттэр» кинигэлэрин билиһиннэрии буолан ааста.
Саха народнай поэта И.М. Гоголев-Кындыл айымньыларын ааҕааччы киэҥ араҥатыгар сырдатар, поэт аатын үйэтитэр, айымньылаах үлэҕэ уһуйар сыаллаах-соруктаах «Гоголев ааҕыылара» быйыл 25-с төгүлүн ыытыллар.
Убаастабыллаах куорат олохтоохторо, ыалдьыттара! Эһигини Улуустааҕы киин библиотека «Гоголев ааҕыылара – 2020» чэрчитинэн ыытыллар «Уран тыл улуу маастара…» уус-уран ааҕыы күрэҕэр көхтөөхтүк кыттаргытыгар ыҥырар.
Ыытыллар сирэ уонна бириэмэтэ: Бүлүү к., 2020 с., кулун тутар ый 11 к., 10.00 ч. «Алгыс» сынньалаҥ киинэ. Ааҕыы күрэҕин балаһыанньата МАННА БААР
Олунньу 14 күнүгэр Бүлүүтээҕи киин бибилэтиэкэ ааҕар саалатыгар Бүлүү улууһун Үгүлээт нэһилиэгиттэн байыаннай – бэлитиичэскэй оскуоланы бүтэрбит соҕотох кадровай офицер, Аҕа дойду Улуу сэриитин кыттыылааҕа, педагогическай үлэ бэтэрээнэ, Анаабыр улууһун бочуоттаах олохтооҕо Георгий Дмитриевич Борисов сэрии туһунан илииннэн суруллубут ахтыыларыттан уонна кини олоҕун, бойобуой суолун туһунан махтал үтүө тыллардаах суруйуулартан хомуллубут «Саллаат сэһэнэ» кинигэтин сүрэхтэниитэ буолан ааста.
Олунньу 13 күнүгэр Бүлүү улууһун нэһилиэктэригэр, куорат 23 № библиотека – филиалыгар, киин библиотекаҕа, өрөспүүбүлүкэ үрдүнэн ыытыллар акцияҕа кыттыһан САХАЛЫЫ ДЬЫКТААН суруйдулар, төрөөбүт ийэ тылларын төһө билэллэрин тургутан кордүлэр.
Приглашаем школьников с 5 по 11 класс, и обучающиеся молодежь с 18 до 35 лет участвовать в региональном фестивале любительских школьных и молодежных театральных коллективов «Бары үйэ — мин биһигим», посвящённого 90 — летию народного поэта Якутии И. М. Гоголева – Кындыл. Организаторы: Вилюйская районная детская библиотека и Отделение педагогики дополнительного образования Вилюйского педагогического колледжа им. Н. Г. Чернышевского.
Подробно с условиями участия в конкурсе вы можете ознакомиться ЗДЕСЬ или СКАЧАТЬ
