Саха биир уһулуччулаах учуонайа, саха суругун-бичигин төрүттээччи, сырдатааччы Семен Андреевич Новгородов төрөөбүт күнүгэр, ол эбэтэр Олунньу 13 күнүгэр, Бүлүүтээҕи оҕо библиотекатыгар, «Норуот баайа-төрөөбүт төрүт тыла» диэн Н. C. Степанов аатынан 3-с нүөмэрдээх оскуола 2-с “б” кылааһын оҕолоругар бэрт интэриэһинэй, сэргэх библиотечнай уруок буолан ааста.
ОЛУННЬУ 12 КҮНҮГЭР, өрөспүүбүлүкэ оскуолаларын алын, орто сүһүөх 3 – 8 кылаас үөрэнээччилэригэр төрдүс сылын ыытыллар өрөспүүбүлүкэтээҕи Төрөөбүт тыл уонна сурук-бичик күнүгэр аналлаах «Таптыыр сахам тылынан…» акцияҕа Бүлүү улууһун оҕолоро көхтөөхтүк кыттыннылар.
Быйылгы Төрөөбүт тыл, сурук-бичик күнүгэр аналлаах «Сахалыы дьыктаан–2021» акцияҕа кыттыбыт дьоммутугар Бүлүүтээҕи киин библиотека үлэһиттэрэ махталбытын тиэрдэбит. Тиэкиһи Хотугулуу-Илиҥҥи бэдэрээлинэй университет саха тылын хаапыдыратын үлэһиттэрэ бэлэмнээннэр Амма Аччыгыйа “Атаҕастабыл” айымньытыттан сурулунна.
Бүлүүтээҕи киин бибилэтиэкэ Төрөөбүт тыл, сурук – бичик күнүгэр анаан куйаар нөҥүө латыынныы таба, сөпкө, ыраастык суруйарга аһаҕас күрэх ыытта. Үлэлэр Илбэҥэттэн, Лөкөчөөнтөн, Хаҕынтан, Кыадаҥдаттан, Үгүлээттэн, Бороҕонтон, Чинэкэттэн, Бүлүү куоратыттан киирдилэр. Барыта улуус үрдүнэн 14 саастарыттан 68 саастарыгар дылы 46 киһи кыттыыны ылла, олор истэригэр 8 оскуола оҕото.
Бүлүүтээҕи оройуоннай оҕо библиотеката, ОЛУННЬУ 12 КҮНҮГЭР, өрөспүүбүлүкэ оскуолаларын алын, орто сүһүөх 3 – 8 кылаас үөрэнээччилэригэр төрдүс сылын ыытыллар өрөспүүбүлүкэтээҕи акцияҕа кыттыһан, Төрөөбүт тыл уонна сурук-бичик күнүгэр аналлаах «Таптыыр сахам тылынан…» акцияҕа Бүлүү улууһун оҕолорун көхтөөхтүк кыттаргытыгар ыҥырар.
