Тохсунньу 17 күнүгэр ыччат библиотекатыгар РФ култууратын үтүөлээх үлэһитэ, СР искусстватын үтүөлээх деятелэ, «Северная звезда» Россия суруйааччыларын литературнай премиятын лауреата, саха народнай поэта, Бүлүү улууһун бочуоттаах олохтооҕо И. М. Гоголев-Кындыл төрөөбүтэ 95 сылыгар аналлаах үрдүкү кылаас үөрэнээччилэригэр литературнай урок буолла.
Оҕолор Иван Гоголев-Кындыл олоҕун, айар үлэтин, суруйан хаалларбыт айымньыларын туһунан кэпсээни сэргээн иһиттилэр. Урок түмүгэр народнай поэтка аналлаах тургутукка эппиэттээтилэр.
Төрөөбүт дойдуга уостубат тапталы, сир үрдүгэр көҥүлү, эйэни туойбут ытыктыыр биир дойдулаахтарын туһунан бэйэлэригэр киэҥ өйдөбүлү ылан тарҕастылар.
С.С. Николаева, Ыччат библиотекатын кыл. библиотекара
