Бүлүүтээҕи оҕо библиотекатыгар, тохсунньу ый 16, 17, 18 күннэригэр Саха народнай поэта Иван Гоголев-Кындыл төрөөбүтэ 95 үбүлүөйдээх сылыгар аналлаах «Мин олоҥхо толомон дойдутун оҕотобун…» диэн интегрированнай уруоктар ыытылыннылар.
Бу уруоктарга кэлэн бардылар Советскай Союз Геройа Н. С. Степанов аатынан 3Nº-дээх оскуола 8-9 кылаастарын үөрэнээччилэрэ, салайааччы Мария Касьяновна Муксунова, Г. С. Донской аатынан 2Nº-дээх оскуола 10 «б» кылааһын үөрэнээччилэрэ, салайааччы Ирина Петровна Докторова, И. Л. Кондаков аатынан Бүлүүтээҕи гимназия үөрэнээччилэрэ 6 «б», кылаас салайааччы Лилия Васильевна Семенова, 8 «б» кылаас салайааччы Дарима Прокопьевна Данилова
Иван Гоголев-Кындыл олоҕун, айар үлэтин туһунан уруогу сэргээн, болҕойон олорон истиилэрэ астыннарда. Ону сэргэ Иван Гоголев-Кындыл айымньыларыгар суруллубут өбүгэттэн удьуордаммыт астары-үөллэри, туттар тэриллэри хартыынаннан көрөн сөп эппиэттэрин таайан «Аан алахчын ийэ тылыам…» диэн интерактивнай оонньууга көхтөөхтүк кытыннылар, билиилэрин хаҥаттылар.
Ити курдук Саха народнай поэта, Саха Республикатын искусстволарын үтүөлээх деятелэ, Российскай Федерация культуратын үтүөлээх үлэһитэ, Россия уонна Саха сирин суруйааччыларын Союзтарын литературнай бириэмийэлэрин, Саха комсомолун бириэмийэтин лауреата, Бүлүү улууһун бочуоттаах гражданина Иван Гоголев-Кындыл олорон ааспыт олоҕун, айар үлэтин өйдөөн-санаан, ахтан, бэлиэтээн аастыбыт. Инники көлүөнэ ыччат үтүө аатын үйэтитэн ытык иэһин курдук ылыныа диэн эрэнэбит.
М. Е. Егорова, Оройуоннааҕы оҕо бибилэтиэкэтин кыл. библиограба
Советскай Союз Геройа Н. С. Степанов аатынан 3Nº-дээх оскуола 8-9 кылаастарын үөрэнээччилэрэ (салайааччы Мария Касьяновна Муксунова)
Г. С. Донской аатынан 2Nº-дээх оскуола 10 «б» кылааһын үөрэнээччилэрэ (салайааччы Ирина Петровна Докторова)
И. Л. Кондаков аатынан Бүлүүтээҕи гимназия үөрэнээччилэрэ 6 «б», кылаас (салайааччы Лилия Васильевна Семенова)
8 «б» кылаас (салайааччы Дарима Прокопьевна Данилова)
