ТуоК : интеллектуальнай оонньуу

И. М. Гоголев-Кындыл аатынан Бүлүүтээҕи улуус киин библиотеката өркөн өйү, сытыы кылыс тылы, тобуллаҕас толкуйу тургутар «ТуоК», ол эбэтэр Толкуйдаа уонна кыай диэн интеллектуальнай оонньууну ыытта. Бу оонньуу, Саха АССР тэриллибитэ 100, Саха сиригэр Ийэ, Бүлүү улууһугар – Бүлүү чулуу дьонун сылларыгар ананна.


Муус устар 19 күнүттэн саҕаламмыт оонньууга 4 кыттааччылаах 12 араас хамаанда  кытынна.

«Халбаакы» Халбаакы нэһилиэгин хамаандата,

«Байдам» (Байдам атыы-эргиэн киинин  хамаандата),

«НЕКС» (Бүлүүтээҕи П.Х.Староватов аат. кыраайы үөрэтэр музей),

«Сокол» (Өкүндү оскуолатын хамаандата),

«Поющие пески» (Улуус дьаһалтата),

«Чочу хамаандата»,

«Автономия» (Бүлүү куоратын дьаһалтатын хамаандата),

«Донской ыччаттара» (2 нүөмэрдээх Бүлүү орто оскуолата),

«Кэскил» (Н.И.Протопопова аатынан Кэскил оҕо киинэ),

«Табун» (Табун атыы–эргиэн киинин хамаандата),

«Оптимист» (Улуустааҕы үөрэҕирии салалтатын  хамаандата),

«Правосудие» (МВД хамаандата).

Сүүмэрдиир түһүмэх кэнниттэн, полуфинал,  уонна финал оонньуулара  буолла.

Финалга «НЕКС» П.Х.Староватов аатынан кыраайы үөрэтэр түмэл уонна «Оптимист» улуустааҕы үөрэҕирии салалтатын хамаандата таҕыстылар.

Күүстээх, сытыы киирсии кэнниттэн «Оптимист» хамаанда кыайда уонна харчыннан наҕараадаланна.

Эбэн эттэххэ бу маннык хабааннаах оонньуулары киин библиотека хамсык дьайа тарҕаныан иннинэ сыл аайы ыытара, быйылгыттан оонньуу сөргүтүлүннэ. Тэрийээччилэр ааттарыттан кыттыыны ылбыт бары хамаандаларга махталбытын тиэрдэбит.

Мария Иванова, «И. М. Гоголев — Кындыл» аатынан Бүлүүтээҕи нэһилиэктэр икки ардыларынааҕы кииннэммит библиотека ситимэ» МХТ, Улуус киин бибилэтиэкэтэ

Оставить комментарий

Мы используем cookie. Во время посещения сайта Муниципального казённого учреждения «Вилюйская межпоселенческая централизованная библиотечная система» муниципального района «Вилюйский улус (район)» Республики Саха (Якутия) вы соглашаетесь с тем, что мы обрабатываем ваши персональные данные с использованием метрических программ. Подробнее

Понятно, спасибо
Обратная связь