Бүлүүтээҕи оройуоннай оҕо библиотеката Сэбиэскэй Сойуус Дьоруойдара – Н. С. Степанов төрөөбүтэ 100 сылыгар, А. А. Миронов, Н. А. Кондаков үтүө ааттарыгар сүгүрүйэн туран, ыам ыйын 16 күнүгэр Слава площадыгар “Золотые звезды земли Вилюйской” диэн ааттаах квест–оонньууну И. Л. Кондаков аатынан Бүлүүтээҕи гимназия 7 уонна 8 кылааһын үөрэнээччилэрин хамаандаларыгар ыытта.
Ааспыт үйэ 40-с сылларыгар буолбут Аҕа дойду көмүскэлин иһин, бүтүн Европаны фашизмтан босхолуур аан дойдуну аймаабыт сэриигэ Саха сириттэн 62243 киһи фроҥҥа ыҥырыллыбыт, итинтэн 40-ча тыһыынча саха чулуу уолаттара кыргыһыы хонуутугар сырдык тыыннара быстыбыта.
Улуу Кыайыыны уһансыыга ыраах тыйыс хоту сытар саха норуота туох баар күүһүн — уоҕун, сырдык тыынын толук уурбута.
Ол иһин биһиги, эдэр көлүөнэ, сахабыт сирин буойуттарбытынан киэн туттуохтаахпыт, үтүө ааттарын умнуо суохтаахпыт.
Бүлүү улууһа үс Герой дойдутунан биллэбит, кинилэринэн киэн туттабыт.
Ыам ыйын 16 күнүгэр Слава площадыгар “Золотые звезды земли Вилюйской” диэн ааттаах квест оонньуу И. Л. Кондаков аатынан Бүлүүтээҕи гимназия 7 уонна 8 кылааһын үөрэнээччилэрин хамаандаларыгар ыытта.
Оҕолор “Молния”, “Варяги”, “Звезда”, “Бородино” хамаандаларга арахсан, оонньуу хаамыытынан «Боевая слава», «Блокада», «Снайперы», «На привале», «Разведчики» станциялар хоруйдарын – соруктарын толордулар. Квест оонньуу түмүгүнэн “Бородино” хамаанда 61 очко ылан муҥутуур кыайыылаах аатын ылла. Бары кыттааччылар туоһу сурук туттулар, кыайыылаах хамаанда добун суругунан наҕараадаланна.
Квест оонньуу хас биирдии станциятын аайы оҕолор элбэх саҥаны бэйэлэригэр арыйдылар, элбэҕи көрдүлэр – биллилэр.
Биир дойдулаах улуу дьоммут олорон ааспыт олохторун, дьоруойдуу быһыыларын үүнэр көлүөнэ ыччаппыт билэрин умнубатын туһугар суолта ууран тэрийэр тэрээһиммитигэр кыттыыны ыларгытынан И. Л. Кондаков аатынан Бүлүүтээҕи гимназия коллективыгар махталбытын тиэрдэбит.
«И. М. Гоголев — Кындыл» аатынан Бүлүүтээҕи нэһилиэктэр икки ардыларынааҕы кииннэммит библиотека ситимэ» МХТ, Бүлүүтээҕи оройуоннай оҕо бибилэтиэкэтэ