«Оҕо саас оонньоммотох ыллыктарынан…» : библиотечнай уруок

Тыылга сэрии кэмигэр оҕолуун – улаханныын “Барыта фроҥҥа, барыта Кыайыы туһугар” диэн ыҥырыынан салайтаран бары түмсүүлээхтик уонна тахсыылаахтык үлэлээн, аармыйаны аһынан-үөлүнэн, сылаас таҥаһынан хааччыйан, Кыайыыны уһансыбыт үтүө өҥөлөөхтөр. “Оҕо саас оонньоммотох ыллыктарынан…”, Уйбаан Нуолур “САЛЛААТ ОҔОТО ЧООРУОНА” кэпсээн тула библиотечнай аһаҕас уруок


Ыам ыйын 18 күнүгэр, Геннадий Семенович Донской аатынан Бүлүүтээҕи иккис нүөмэрдээх оскуола 4 «б» кылааһын үөрэнээччилэрэ учууталлара Николаева Татьяна Афанасьевналыын Бүлүүтээҕи оройуоннай оҕо библиотекатыгар библиотечнай аһаҕас уруокка кэлэн, бириэмэлэрин туһалаахтык атааран, билиилэрин хаҥаттан, астынан бардылар.

Түмүккэ алта бөлөххө арахсан кэпсээнтэн тугу өйдөөбүттэрин уруһуйдаан көмүскээтилэр.

(для просмотра кликните по рисункам)


Оҕолорго эрдэттэн сорудах бэриллибитэ. Иван Герасимович Иванов – Уйбаан Нуолур “Саллаат оҕото Чооруона” кэпсээнин ааҕарга. Болдьоспут күммүтүгэр кэлэн, оччотооҕу кэм оҕолоро хайдах курдук ыар олоххо оҕо саастара ааспытын, олохторугар көрсүбүт эрэйдэрин, кыһалҕаларын ити кэпсээн нөҥүө билбиттэрин аһаҕастык кэпсэтэн, санааларын үллэһиннилэр.

Сэрии кэмин оҕолоро, сэрии сылларыгар, уончалаах чороччу улаатан эрэр кырачаан кыргыттар уонна уолаттар, тыылга хаалбыт кырдьаҕас дьону, дьахталлары кытта тэбис-тэҥҥэ сылдьан, сэриигэ барбыт аймах дьоннорун оннуларыгар утуйар ууну билбэккэ, биирдэ тото-хана аһаабакка, мааны-таҥаһы кэппэккэ, ходуһаҕа – ыһыы, от, хомуур үлэтигэр, хотон үлэтигэр, балыксыттар биригээдэлэригэр, булка сайыннары-кыһыннары үлэлээбиттэрэ.

Кыһынын, оскуолаҕа үөрэнэн кэлэ-кэлэ, туораах бурдугу кэлиигэ сынньан, суорунаҕа тардан, киэһээҥҥи сиир лэппиэскэ бурдугун бэлэмнииллэрэ. Эбиитин, киэһэ, түүн, сарсыҥҥы оттор маһы, бүтүн сыарҕа долгочуогу мастаан бэлэмнииллэрэ. Сайын ойууртан уокка оттор мас сүгүүтэ, күөлтэн, үрэхтэн иһэр уу баһыыта, дьиэ ис-тас үлэтэ, бырааты-балыһы көрүү эмиэ кинилэр эбээһинэстэрэ буолара.

Оччотооҕу көлүөнэ оҕолоро олохторун биир кэрчигэ төһө да көдьүүстээх, ыарахан кэмҥэ ааспытын да иһин билигин даҕаны олох үөһүгэр сылдьан, баай уопуттарын эдэр ыччакка биэрэ, үөрэтэ-такайа сылдьаллар. Кинилэр билигин даҕаны араас общественнай үлэлэри иилээччи-саҕалааччы, көҕүлээччи буолан, саамай көхтөөх кыттааччылар буолаллар.



 В. В. Софронова, Бүлүүтээҕи оройуоннай оҕо бибилэтиэкэтэ, 
«И. М. Гоголев — Кындыл» аатынан
Бүлүүтээҕи нэһилиэктэр икки ардыларынааҕы кииннэммит библиотека ситимэ» МХТ



Николаева, Татьяна Афанасьевна.
“Оҕо саас оонньоммотох ыллыктарынан…”, Уйбаан Нуолур “Саллаат оҕото Чооруона” кэпсээн тула библиотечнай аһаҕас уруок туһунан сыанабыл / Т. А. Николаева // Вилюйская библиотека : [сайт МКУ «ВМЦБС»]. – URL: https://e-librvil.ru/hss/48/48.php

Оставить комментарий

Мы используем cookie. Во время посещения сайта Муниципального казённого учреждения «Вилюйская межпоселенческая централизованная библиотечная система» муниципального района «Вилюйский улус (район)» Республики Саха (Якутия) вы соглашаетесь с тем, что мы обрабатываем ваши персональные данные с использованием метрических программ. Подробнее

Понятно, спасибо
Обратная связь