Кулун тутар 22 күнүгэр Бүлүүтээҕи культура, ыччат уонна дьиэ кэргэн политикатын ураһа саалатыгар сылын ахсын ыытыллар «Гоголев ааҕыылара — 2018», “Сүүс дьиктини булуоҕум…” диэн суруйааччы хоһоонунан айымньыларын уус-уран ааҕыы күрэҕэ ыытылынна.
Күрэх 3 бөлөххө арахсан ыытылыннаа:
— 1 бөлөххө 5-8 кылаас үөрэнээччилэрэ;
— 2 бөлөххө 9-11 кылаас үөрэнээччилэрэ;
— 3 бөлөххө сааһынан хаарчаҕа суох, улахан дьон.
Тэрээһиҥҥэ Кыргыдайтан, Сыдыбылтан, Тыымпыттан, Лөкөчөөнтөн, Хампаттан, Өкүндүттэн, Үгүлээттэн Бүлүү куоратыттан уопсайа барыта 46 кытааччы кэллэ.
Иван Гоголев-Кындыл айан хаалларбыт араас хоҺооннорун, поэмаларыттан быһа тардыылары аахтылар. Хас биирдии кыттааччы уус-уран ааҕыы толору маастарыстыбатын көрдөрдө, толоруу иэйиитин истээччигэ тиэртэ. Дьүүллүүр сүбэ быйылгы күрэх үрдүк таһымынааҕын бэлиэтээтэ.
Дьүүллүүр сүбэннэн үлэлээтилэр Николай Иванов – «Бүлүү саһарҕалара» литературнай түмсүү салайааччыта, Саха суруйааччыта, Саха сирин суруйааччыларын сойууһун чилиэнэ, Федора Платонова – Бүлүүтээҕи педагогическай колледж библиотекатын библиограба, Елизавета Николаева – үрдүкү категориялаах саха тылын уонна литературатын учуутала, РФ үөрэҕириитин туйгуна. Күрэх түмүгүнэн кыайыылаахтар уонна анал аат хаһаайыттара билиннилэр.
Анал ааттар
1 бөлөх, 5-8 кылаастарга
«Кэскиллээх ааҕааччы” – Женя Гоголев, 5 кыл., Бүлүү — «Хомус» хоһоон
«Сонун ураты толоруу» – Эльвира Новикова, 8 кыл. , Лөкөчөөн “Төрөөбүт Бүлүүбэр сырыттым”
“Көрөөччү биһирэбилэ” – Сидор Федоров, 6кыл., Тыымпы — “Хомус”
“Сыл арыйыыта” – Айтал Руфов, 5 кыл., Кыргыдай — “Үөрэбин мунчаарабын»
“Дьүүллүүр сүбэ сэҥээриитэ” – Григорьев Маркел, 6 кыл. , Лөкөчөөн — “Саха тылынан”
1 миэстэ – Чемпорова Диана, 5 кыл., Кыргыдай — «Сарсыарда күн тахсыыта»
2 миэстэ – Дарьяна Ринчикова, 6 кыл., Өкүндү — “Хомус”
3 миэстэ – Артем Яковлев, 5 кыл., Лөкөчөөн — “Төрөөбүт тыл”
3 миэстэ – Дамир Сафин, 6 кыл., Бүлүү — «Часть рассвета»
2 бөлөх, 9-11 кылаас
1 миэстэ – Алина Дырахова, 10 кыл., Хампа — “Мин эйигин таптыыбын”
2 миэстэ – Дьулустаан Гоголев, 9 кыл., Сыдыбыл — «Төрөөбүт Бүлүүбэр сырыттым»
3 бөлөх, улахан дьоҥҥо
«Кэскиллээх ааҕааччы» — Арсен Дьячковскай, БПК 1 куурус ПДО — “Харах уута”
«Көрөөччү биһирэбилэ» — Софья Саввинова Бүлүү к. — “Аптаах Ньургуһун”
«Сыл арыйыыта» — Парасковья Бочарова, Үгүлээт – “Сааһырбыт дьахтар ырыата”
«Дьүүллүүр сүбэ сэҥээриитэ» — Радмила Слепцова, Тыымпы – “Үс кутум”
1 миэстэ — Надежда Иванова, БПК ПДО 1 куурус уст. — “Ытык дабатыы” поэматтан быһа тардыы,
2 миэстэ — Антонина Николаева, Бүлүү к. — “Уу оҕуһун муоһугар суруктар” 12 сурук.
3 миэстэ — Анна Игнатьева,Бүлүү к. — «Уу оҕуһун муоһугар суруктар» 8 сурук.
Мария Иванова, КОО кыл. бибилэтиэкэрэ
Навигация: Вернуться на главную страницу