Кулун тутар 27 күнүгэр, киин библиотека ааҕар саалатыгар Бүлүү сирин киэн туттуута — Саха Республикатын суруналыыстарын «Кыһыл көмүс бөрүө» лауреата, Бүлүү улууһун Бочуоттаах гражданина, 40-тан тахса айымньы ааптара – Георгий Никитич Васильев – Мандар «Булчут саха хараҕынан», уонна «Охота хорошо, а природа лучше» диэн кинигэлэрин билиһиннэриитэ буолла.
Кулун тутар 27 күнүгэр, киин библиотека ааҕар саалатыгар Бүлүү сирин киэн туттуута – Россия уонна Саха сирин суруйааччыта, суруналыыс, Саха Республикатын култууратын үтүөлээх үлэһитэ, Саха Республикатын бэчээтин туйгуна, Саха Республикатын суруналыыстарын «Кыһыл көмүс бөрүө» лауреата, Бүлүү улууһун Бочуоттаах гражданина, 40-тан тахса айымньы ааптара – Георгий Никитич Васильев – Мандар «Булчут саха хараҕынан», уонна «Охота хорошо, а природа лучше» диэн кинигэлэрин билиһиннэриитэ буолла.
15 сыл устата – телевидениеҕа уонна араадьыйаҕа, советскай-партийнай кэмнэргэ 21 сыл, демократия уонна ырыынак кэмигэр 22 сыл маассабай информацияҕа – хаһыакка суруналыыс быһыытынан үлэлээбитэ. Маны таһынан Георгий Никитич дипломнаах муосчут, талааннаах уус, 70-тан тахса сыл бултаабыт сорсуннаах булчут.
Бу кинигэлэрин былырыын (2017 сыллаахха) Россияҕа Экология сыла биллэриллибитигэр, икки кинигэни бэрт кичэллээхтик суруйан, таҥан, бэчээттэтэн бар дьонугар бэлэх оҥордо.
Тэрээһиҥҥэ улуус баһылыга С.Н.Винокуров эҕэрдэ суругун Татаринова В.В, куорат баһылыга Нь. В. Афанасьев эҕэрдэ суругун специалист Иванов Н.М, культураҕа ыччакка уонна дьиэ кэргэҥҥэ политика аатыттан эҕэрдэ суругу Потапов В.А туттардылар.
Маны таһынан Чочу нэһилиэгин муниципальнай тэриллии баһылыгын солбуйааччыта Павлова Н.П биир дойдулаахтарын аатыттан эҕэрдэ сурук уонна сэмэй бэлэх туттарда.
Бүлүүтээҕи айылҕа харыстабылын инспекциятын аатыттан Николаев А.И бэйэтин эҕэрдэтин тириэртэ.
Бииргэ алтыспыт, үлэлээбит дьонноро кэлэн кэпсэтиини сэргэхситтилэр. «Олох суола» хаһыат редактора СР бэчээтин туйгуна, РФ журналистарын сойууһун чилиэнэ Федоров Н.Н, ис дьыала отделын пресс-сулууспатын салайааччта, милиция подполковнига Седалищев Д.С
Педагогическай үлэ бэтэрээнэ, үтүөлээх учуутал, 36 сыл оскуола директорынан үлэлээбит Васильев В. А, РСФСР уонна СР үөрэҕириитин туйгуна педагогическай үлэ бэтэрээнэ Мылахов С.Г, Ильинов-Харандаас И., Макарова П., Чочу нэһилиэгин музейын, библиотекатын үлэһиттэрэ ыалдьыттаатылар.
Тэрээһин сонуннук — кэпсэтии, санаа үллэстиитин быһыытынан ыытылынна.
Үйэтин тухары дьон, дойду туһа диэн үлэни өрө тутан, 40-тан тахса кинигэни суруйан бар дьонугар бэлэхтээбит Георгий Никитич өбүгэлэрбит үтүө үгэстэрин көлүөнэттэн көлүөнэҕэ тиэрдэр үтүө соруктаах үлэлиирин өссө төгүл итэҕэттэ.
Мария Иванова, КОО кыл. бибилэтиэкэрэ
Навигация: Вернуться на главную страницу
Быһаарыы: Кинигэни баттааҥҥыт, кинигэ ис хоһоонун кылгастык билсиэххитин, киирии тылын, иһинээҕитин көрүөххүтүн сөп.