Кулун тутар 19 күнүгэр Н.И.Протопопова аатынан «Кэскил» оҕо сайдар киинигэр сылын ахсын ыытыллар «Тимофеев ааҕыылара» чэрчитинэн «Амарах сүрэҕим дьикти ырыалара …» диэн улуустааҕы ырыа күрүҕэ буолан ааста. Айан хаалларбыт хомоҕой хоһоонноругар мелодистар уонна композитордар 200 тахса хоһоонугар матыып түһэрэн уостан түспэт ырыаларга кубулуттулар.
Күрэххэ Хаҕынтан, Бороҕонтон, Хампаттан, Үгүлээттэн, Лөкөчөөнтөн, Тыымпыттан, Өкүндүттэн, Кыргыдайтан, Бүлүү куоратыттан уопсайа 18 кытааччы кытынна.
Түмүккэ:
«Көрөөччү биһирэбилэ» — Саргылана Атасова (Бүлүү куорат)
«Ырыа куттаах толорооччу» — Людмила Леонтьева (Бүлүү куорат)
«Кэскиллээх толорооччу» — Ульяна Алексеева (Кыргыдай нэһ.)
«Кыайыыга дьулуурун иһин» — Семен Федоров (Бороҕон нэһ.)
«Сыл бастыҥ арыйыыта» — Радмила Слепцова (Тыымпы нэһ.)
«Ырыаҕа бэриниилээх» — Николай Трофимов (Өкүндү нэһ)
«Михаил Тимофеев дьиэ кэргэнин анал бирииһэ» — Ульяна Алексеева (Кыргыдай нэһ.)
3 м. — Иван Констатинов (Тыымпы нэһ.), Г.Комраков мат. «Үрүҥ түүн»
2м. — Василий Власьев (Хаҕын нэһ.), А.Егоров мат. «Дьокуускайга хаар түһэр»
1м. — Матрена Сивцева (Бүлүү куорат), «Хатыҥнаах оскуолам»
Гран-При — Камилла Семенова (Бүлүү куорат), А. Егоров матыыбыгар «Дьокуускайга хаар түһэр»
Тэрээһиҥҥэ дьүүллүүр сүбэннэн үлэлээтилэр Ньургустаана Федорова — М. Жирков аатынан Бүлүүтээҕи оҕо искусствотын оскуолатын директорын солбуйааччыта, Татьяна Егорова — М. Жирков аатынан Бүлүүтээҕи оҕо искусствотын оскуолатын хоровой кылааһын преподавателэ, Никита Михайлов – И. Гоголев — Кындыл аатынан народнай театрын артыыһа, улуустааҕы киин библиотека художнига.
Биэчэри баяҥҥа доҕуһуоллаабыта СР культуратын үтүөлээх үлэһитэ, самодеятельнай композитор Иван Туласынов. Киин библиотека аатыттан махталбытын тиэрдэбит М. Жирков аатын оҕо искусстватын оскуолатын преподавателлэрин оркестрын ансамбылыгар салайааччы М. Тоноеваҕа.
Кыайыылаахтар сыаналаах бириистэринэн, анал суруктарынан наҕараадаланнылар.
Мария Иванова, КОО кыл. бибилэтиэкэрэ
Навигация: Вернуться на главную страницу