Бүлүү улууһа Сахабыт сирин биир баай историялаах, дириҥ силистээх-мутуктаах, улуу олоҥхоһуттар, ылбаҕай ырыаһыттар, доллоһутар тойуксуттар, сытыы тыллаах чабырҕахсыттар уутуйан үөскээбит улуустара буолар. Быйыл онус төгүлүн ыытыллар, үбүлүөйдээх «Түөлбэ талаана» култуурунай-сырдатар бэстибээл, улуус бары нэһилиэктэрин хабан, түөлбэлээн олорор сирдэринэн, бөлөх-бөлөх ыытылла турар.
Новости
«Сайдыы аартыгын сырдаппыт СУЛУСТАР» кинигэ билиһиннэриитэ
Аҕа дойду Улуу сэриитин кыттыылааҕа, Саха АССР норуотун хаһаайыстыбатын үтүөлээх үлэһитэ, Саха Өрөспүүбүлүкэтин, Бүлүү улууһун бочуоттаах олохтооҕо Кирилл Егорович Павлов «Сайдыы аартыгын сырдаппыт СУЛУСТАР» диэн саҥа кинигэтин билиһиннэриитэ Бүлүү улууһун киин бибилэтиэкэтигэр буолан ааста…
«Олоҥхо дьоруойдара» уруһуй конкурса
Ахсынньы 6 күнүгэр Михаил Андреевич Алексеев аатынан Баппаҕаайы орто оскуолатыгар, Олоҥхо декадатын түмүктүүр үөрүүлээх тэрээһин буолан ааста. Олохтоох бибилэтиэкэ олоҥхо декадатын чэрчитинэн алын кылаас оҕолоругар «Олоҥхо дьоруойдара» диэн уруһуй күрэҕин тэрийэн ыытта, уруһуй выставкатын оҥордо.
«Сайдыы аартыгын сырдаппыт сулустар»
Убаастабыллаах Бүлүү куорат олохтоохторо уонна ыалдьыттара! Аҕа дойду Улуу сэриитин кыттыылааҕа, Саха АССР норуотун хаһаайыстыбатын үтүөлээх үлэһитэ, Саха Өрөспүүбүлүкэтин, Бүлүү улууһун бочуоттаах олохтооҕо Кирилл Егорович Павлов «Сайдыы аартыгын сырдаппыт СУЛУСТАР» диэн саҥа кинигэтин билиһиннэриигэ ыҥырабыт. Буолар сирэ, күнэ: ахсынньы ый 6 күнэ, сарсыарда 10 чаастан, Ыччат библиотеката, аадырыһа: Орджоникидзе уулусса, 6 «а»
«ДОБРАЯ РОМАШКА» литературнай айымньылар киэһэлэрэ
Тохсунньу 2 күнүгэр Оҕо библиотекатыгар Аан дойдутааҕы доруобуйаларынан хааччахтаах дьоҥҥо аналлаах декада чэрчитинэн «ДОБРАЯ РОМАШКА» тэрээһин буолан ааста. Литературно-творческай биэчэр тутула быйылгы сылга үбүлүөйдээх суруйааччылар айымньыларын дьоруойдарын сыһыары тутан, бэрт көрдөөх, истиҥ тэрээһин оҕолору, ыалдьыттары сэргэхситтэ.
«Үрүҥ Уус анабыл хомустара» кинигэ сүрэхтэниитэ
Дьокуускайга Национальнай библиотека историческай саалыгар, 2022 сыл сэтинньи 26 күнүгэр, Саха биллиилээх виртуоз хомусчута Спиридон Спиридонович Шишигин хомуйан оҥорбут «Үрүҥ Уус анабыл хомустара» – Бүлүү улууһун Хампа нэһилиэгин хомус ууһун Иван Кононович Колодезников – Үрүҥ Уус сырдык кэриэһигэр анаммыт кинигэтин сүрэхтэниитэ буолан ааста…
“Кыым” хаһыат эрэдээксийэтиниин көрсүһүүгэ ыҥырабыт
Ахсынньы 1 күнүгэр 10:00 чаастан И.М. Гоголев-Кындыл аатынан Бүлүү улууһун киин бибилэтиэкэтигэр “Кыым” хаһыат эрэдээксийэтин үлэһиттэрэ Бүлүү куорат олохтоохторун кытта атах тэпсэн олорон ирэ-хоро кэпсэтэргэ ыҥыраллар.
Хаһыат үлэһиттэрэ: сүрүн эрэдээктэр Иван Гаврильев, кэрэспэдьиэннэр Туйаара Сергеева-Сиккиэр, Оксана Жиркова, эппиэттиир сэкирэтээр Мария Санникова – нэһилиэнньэни долгутар ыйытыыларга хоруйдуохтара, хаһыат үлэтин-хамнаһын туһунан кэпсиэхтэрэ. “Кыым” хаһыат эрэдээксийэтэ.
