Тохсунньу 2 күнүгэр Оҕо библиотекатыгар Аан дойдутааҕы доруобуйаларынан хааччахтаах дьоҥҥо аналлаах декада чэрчитинэн «ДОБРАЯ РОМАШКА» тэрээһин буолан ааста. Литературно-творческай биэчэр тутула быйылгы сылга үбүлүөйдээх суруйааччылар айымньыларын дьоруойдарын сыһыары тутан, бэрт көрдөөх, истиҥ тэрээһин оҕолору, ыалдьыттары сэргэхситтэ.
Биэчэри киэргэттилэр волонтердар:
Н. C. Степанов аатынан 3 №-дээх оскуола Марина Васильевна Сивцева салайааччылаах 4«б» кылааһын үөрэнээччилэрэ “ХААР” ырыаннан эҕэрдэлээтилэр
Оҕо – аймах тапталлаах суруйааччыта Бүөтүр Тобуруокап төрөөбүтэ 105 сааһыгар “Күннүүн оонньуур күөрэгэйдэр” уус – уран ааҕыы күрэх кыайыылаахтарыттан биирдэстэрэ “БААЙ ОҔО” хоһоонунан, Артур Степанов 1№-дээх оскуола 4«б» кыл. үөрэнээччитэ;
“Мама, дорогая” ырыаннан эҕэрдэ тиэртилэр Татьяна Николаевна Чабыева салайааччылаах 1№-дээх начальнай оск. 4 “г” кыл. үөрэнээччилэрэ.
Мустубут дьону-сэргэни, оҕолору, Самуил Яковлевич Маршак “Глупый мышонок” остуоруйатынан, көрдөөх оонньууларынан аралдьыттылар:
Улуу нуучча суруйааччыта Корней Иванович Чуковскай мармеладка, сакалаакка, минньигэскэ ымсыырбат, дьаабы, бардам Бармалея; Харчы булан ылбыт, Сарыкынай сахсырҕата.
Биллиилээх швеция оҕо суруйааччыта Астрид Линдгрен айымньыларын геройдара: Ханна да тиийдэр бэрээдэги дэлби ыһар, мэник кыысчаан Пеппи Длинный чулок; Барыанньа күнэ буолла да, төрөөбүт күнүн бэлиэтиир, бөртөлүөккэ наадыйбат олус көрдөөх, бэһиэлэй Карлсон.
Маннык тэрээһиннэр ураты оҕону тулалыыр эйгэҕэ, обществаҕа, атын оҕо-аймахтыын биир тылы буларга, бииргэ алтыһарга үөрэтэр. “Добрая ромашка” литературно-творческай биэчэрбит күннээҕи түбүктэн аралдьытан, үтүөнү, кэрэни, сырдыгы бэлэх уунна, сэргэхситтэ диэн өйдүүн-сүрэхтиин бигэ эрэллээхпит.
Бары кыттыбыт волонтердарбытыгар, ыалдьыттарбытыгар доруобуйаны, үтүө сыһыаны, сырдык санаалары баҕарабыт!
Бүлүүтээҕи оройуоннай оҕо библиотекатын коллектива