Дьокуускайга Национальнай библиотека историческай саалыгар, 2022 сыл сэтинньи 26 күнүгэр, Саха биллиилээх виртуоз хомусчута Спиридон Спиридонович Шишигин хомуйан оҥорбут «Үрүҥ Уус анабыл хомустара» – Бүлүү улууһун Хампа нэһилиэгин хомус ууһун Иван Кононович Колодезников – Үрүҥ Уус сырдык кэриэһигэр анаммыт кинигэтин сүрэхтэниитэ буолан ааста…
Бу тэрээһиҥҥэ уус кыргыттара, чугас дьоно, кини үлэтигэр сүгүрүйээччилэр кыттыыны ыллылар.
Кинигэ 2021 сыллаахха Покровскайга бэчээттэнэн тахсыбыта.
…Хомус хомусчукка ананан оҥоһулуннаҕына этигэнэ күүһурэр, эҥин эгэлгэ хос дорҕоонноро тулалыыр эйгэҕэ үтүөнэн, үчүгэйинэн дьайыыта өссө күүһүрэр, кэҥиир уонна дириҥиир.
Хомус ити дьиктитин ис иһиттэн ылыммыт, өйдөөбүт уонна күүскэ сайыннарбыт ууспутунан Колодезников Иван Кононович — Урун уус буолар. Кини хомусчуттарга анаан онорон хаалларбыт анабыл хомустара киһи сөҕүөн курдук кэрэлэр, тус туспалар, маарыннаспат тойуктаахтар, дьону-сэргэни сынньатар-уоскутар, үөрдэр-көтутэр, эмтиир даҕаны аналлаахтар. Ону ааһан бары тус туспа ураты тупсаҕай оноһуулаах илдьэ сылдьарга табыгастаах хаалаахтар.
Ол иһин биһиги хомусчуттар киниэхэ махталбыт муҥура суох, кини туһунан үтүө өйдөбүлбүт хаһан да сүтүө cyoҕa (Спиридон Шишигин, Аан дойду виртуоз хомусчута Аан дойдутааҕы хомусчуттар уопсастыбаларын субэһитэ, Монголия култууратын туйгуна).
Иван Кононович хомуһу 1989 с. оҥорон саҕалаабыта, оҥоруу кистэлэҥнэрин толору баһылаабыта. Тимири сатаан ыллатар, киһини абылыыр, эмтиир уонна дьүрүскэн тыаһы таһаарар хомус ууһа буолбута. Кини оҥорбут хомустара Саха Сиригэр эрэ буолбакка, аан дойдуга киэҥник биллибиттэрэ.
2011 с. «Аан дойду таһымнаах хомус ууһа» дастабырыанньалаах бэлиэ хаһаайына буолбута.
Устуу Татьяна уонна Гаврил Захаровтар YouTube каналларыттан ылылынна : https://www.youtube.com/@user-ck8dw9uw9v
Страницаҕа тиэкис Татьяна уонна Гаврил Захаровтар YouTube каналларыттан уонна кинигэҕэ киирбит матырыйаал туһанылынна.