Олунньу 13 күнүгэр, Бүлүүтээҕи киин бибилэтиэкэ ТӨРӨӨБҮТ ТЫЛ УОННА СУРУК-БИЧИК КҮНҮГЭР анаан өрөспүүбүлүкэтээҕи акцияҕа холбоһон «Сахалыы дьыктаан» суруйуутун тэрийэн ыытта.
Быйылгы дьыктаан тиэкиһэ — Суорун Омоллоон «Чүөчээски» диэн кэпсээниттэн быһа тардыы, 206 тыллаах.
Тиэкиьи Н. И. Ылахова аатынан «Алгыс» сынньалаҥ киин сүрүннүүр специалиһа, култуура туйгуна, Бүлүүтээҕи норуодунай тыйаатырын артыыската, Бүлүү улууһун биир бастыҥ ыытааччыта Мария Ильинична Иванова аахта.
Дьыктаан түмүгүнэн «Бастыҥ суруксут» аатын сүктэ Филиппова Надежда, «Үчүгэй суруксут» диэн ааты түөрт сыанаҕа суруйан Прокопьева Елизавета, Сергеева Наталья ыллылар.
«Сахалыы дьыктааҥҥа» кэлэн көхтөөхтүк кыттыбыт дьоҥҥо махталбытын тиэрдэбит.
А. А. Степанова, Улуус киин модельнай бибилэтиэкэтин ааҕааччыны кытта үлэлиир отделын бибилэтиэкэрэ
«Олоҥхо дьыктаана — 2026» тиэкиһин манна киирэн хачайдаан ылан, дьыктаан суруйан бэйэҕитин тургутан көрүҥ.