Бүгүн, тохсунньу ый 21 күнүгэр, Саха народнай поэта Иван Михайлович Гоголев-Кындыл төрөөбүтэ 96 сылыгар аналлаах «Кимиэхэ эмэ, баҕар, мин бэйэм суол буолуоҕум…» диэн аһаҕас уруогу Н. Н. Каратаев аатынан Тааһаҕар оскуолата тэрийэн ыытта.
2017 сылтан саҕалаан киин библиотекаҕа сылын ахсын, И. М. Гоголев-Кындыл олоҕор, айар үлэтигэр аналлаах, Бүлүү куорат оскуоланы бүтэрээччилэригэр анаан аһаҕас уруок ыытыллар. Бу тэрээһин саҕалааччылара уонна төрүттээччилэрэ — Бүлүүтээҕи киин библиотека уонна Н. И. Ылахова аатынан «Алгыс» национальнай-култуурунай киин.
Уруогу иилээн-саҕалаан ыыттылар – саха тылын, литературатын учуутала Ольга Самуиловна Каратаева, нуучча тылын, литературатын учуутала Мария Гаврильевна Попова, Аида Алексеевна Нахова, омук тылын учуутала Анжелика Алексеевна Кураева уонна библиотекарь Мария Александровна Веревкина ыыттылар.
Үөрэнээччилэр хамаанданнан арахсан викторина таайыытыгар күрэхтэстилэр. Түмүккэ хоппут хамаандалар добун сурук туттулар. Уруок өрө көтөҕүллүүлээхтик, сэргэхтик ааста.
Эһиилги аһаҕас уруогу Кысыл – Сыр орто оскуолата ыытар буолла. «Аһаҕас уруок» эстафета анал бэлиэтин библиотекарь Галина Васильевна Микулянич тутта.
А. А. Степанова, Бүлүүтээҕи киин библиотека сүрүннүүр бибилэтиэкэрэ
Улуус киин библиотекатын үлэһиттэрэ түһэрбит хаартыскалара: А. А. Степанова, Г. Г, Осипов.
