Олунньу ый 13 күнүгэр, киин библиотека уонна Н.И. Ылахова аатынан «Алгыс» сынньалаҥ киин үлэһиттэрэ, төрөөбүт төрүт тылбытын харыстыыр, үйэтитэр уонна сайыннарар сыаллаах, оскуола үөрэнээччилэригэр Төрөөбүт тыл, сурук-бичик күнүгэр, И.М. Гоголев-Кындыл төрөөбүтэ 95 сылыгар аналлаах, «Мин ийэ тылым-саха тыла» диэн өркөн өй оонньуутyн ыыттылар.
Тэрээһиҥҥэ В. Васильев аатынан Бүлүүтээҕи норуодунай хор кыттыыны ыллылар.
Уопсайа 5 хамаанда кытынна: Бүлүү оскуолаларын үөрэнээччилэрэ уонна профессиональнай-педагогическай колледж устудьуоннара. Күрэххэ кыттааччылар бэйэлэрин билиһиннэрдилэр уонна Кындыл хоһооннорун ааҕан иһитиннэрдилэр.
Күрэх 3 түһүмэҕинэн олус тыҥааһыннаах, долгутуулаах буолла:
1 түһүмэх — «Бэйэ оонньуу»;
2 түһүмэх — айымньы ааптарын сөптөөхтук туруоран биэрии;
3 түһүмэх – сомоҕо-домох сөптөөх суолтатын талыы.
Кыайыылааҕынан Н.Г. Чернышевскай аатынан Бүлүүтээҕи профессиональнай-педагогическай колледж устудьуоннара таҕыстылар.
Бу сүрдээх сэргэх тэрээһиҥҥэ үөрэнээччилэр билбэтэхтэрин билэн, дуоһуйан, сынньанан тарҕастылар.
А. А. Степанова, Киин бибилэтиэкэ ааҕааччыны кытта үлэлиир отделын сүрүннүүр бибилэтиэкэрэ
