А. С. Данилова аатынан «Барҕарыы» КК уонна Өктөмнөөҕү норуот тыйаатыра Саха Өрөспүүбүлүкэтин Бастакы Президенэ Михаил Ефимович Николаев төрөөбүт күнүгэр, дьиэ кэргэнинэн Өрөспүүбүлүкэтээҕи анабыл хоһоон ааҕыытын күрэҕэ куйаар ситимин нөҥүө тэрийэн ыытта.
Бүлүү улууһун, Бороҕон нэһилиэгин модельнай бибилэтиэкэтин кылаабынай бибилэтиэкэрэ С. П. Каратаева көҕүлээһининэн, РФ үөрэҕириитин иитиигэ бочуоттаах үлэһитэ, Саха Өрөспүүбүлүкэтин үөрэҕириитин туйгуна, түөрт оҕо амарах ийэтэ уонна сиэн оҕо эбэтэ Прокопьева Наталья Трофимовна-Алгыстаах Сарыада, оҕолорун уонна сиэннэрин кытта Саха Өрөспүүбүлүкэтин Бастакы Президенэ Михаил Ефимович Николаевка бэйэтин «Сүдү бэйэҕэр сүгүрүйэбин» диэн анабыл хоһоонунан кыттан «Кылаан Чыпчаал» ситиһиитин ылан, барыбытын үөртүлэр.
Мантан салгыы бу күрэххэ кыттыбыт Өрөспүүбүлүкэбит араас муннуктарыттан кыттыбыт дьиэ кэргэттэр ситииһиилэрин билиһиннэрэбит:
Бастакы истиэпэннээх лауреат: Уус-Алдан улууһуттан, Черкашиннар дьиэ кэргэттэрэ;
Иккис истиэпэннээх лауреат: Сунтаар улууһуттан, Филипповтар дьиэ кэргэттэрэ;
Үһүс истиэпэннээх лауреат: Хаҥалас улууhуттан, Фоминнар дьиэ кэргэттэрэ;
Бастакы истиэпэннээх дипломан: Томпо улууһуттан, Мяриннар дьиэ кэргэттэрэ;
Иккис истиэпэннээх дипломан: Дьокуускай куораттан, Стрекаловскайдар дьиэ кэргэттэрэ;
Үһүс истиэпэннээх дипломан: Хаҥалас улууһуттан, Большаковтар дьиэ кэргэттэрэ;
Анал аат: «Бастыҥ ааҕааччылар», Шамаевтар дьиэ кэргэттэрэ, Дьокуускай куорат;
Анабыл аат: «Кэрэхсэнэр ааҕааччы», Васильевтар дьиэ кэргэттэрэ, Кэбээйи улууһа;
Анабыл аат: «Кыайыыга дьулуур», Петровтар дьиэ кэргэттэрэ, Сунтаар улууһа.
Махтал суругунан бэлиэтэннилэр: Ли Стас, Любенко А. С. Сунтаар улууһа, Васильевтар дьиэ кэргэттэрэ, Кэбээйи улууһа.
Бу нэһилиэкпит олохтоохторун, Прокопьевтар ситиһиилэрэ «Дьиэ кэргэн» сыла тэрээһиммитигэр өссө да инникитин түмсүүлээх, көхтөөх буоларбытыгар көҕүлүүр, үрдүккэ кынаттыыр.
С. П. Каратаева, Бүлүү улууһун Бороҕон нэһилиэгин модельнай бибилэтиэкэтин кыл. бибилэтиэкэрэ
∗ Тэрийээччилэр иһитиннэриилэрин манна билсиэххитин сөп: Победители Республиканского конкурса авторов стихотворения «Биһиги аан Дархаммыт» // Центр культуры «Барҕарыы» имени Даниловой Анны Семеновны : [сайт]. – 2024. – URL:https://bar5aryy.saha.muzkult.ru/news/118569158 (дата обращения: 22.05.2018)