Иван Кононович Колодезников-Үрүҥ уус төрөөбүтэ 50 сылыгар

Кэргэним, аҕабыт Иван Кононович Колодезников-Үрүҥ уус төрөөбүтэ 50 үбүлүөйдээх сылыгар «Дьүрүһүйэ турдун хомуһуҥ» диэн ахтыы – кинигэ сүрэхтэниитэ уонна улуустааҕы хомуска биирдиилээн оонньооччулар күрэхтэрэ буолан ааста.

Кинигэ сүрэхтэниитин иилээн-саҕалаан ыытта «И.М. Гоголев аатынан кииннэммит библиотечнай ситим», кыраайы үөрэтээччи бибилэтиэкэрэ Кононова Луиза Яковлевна.

Күндү ыалдьыт, убаастабыллаах дьүүллүүр сүбэ быһыытынан хомус Аан дойдутааҕы түмэлин директора Бястинов Д.Д, Аан дойду таһымнаах виртуоз хомусчуттар: Шишигин С.С, Дегтярева А.М. кэлэн ыалдьыттаан бардылар.

Кинигэ сүрэхтэниитигэр чугас аймахтара доҕотторо, бииргэ алтыспыт дьонноро, үөрэппит учууталлара, бииргэ үөрэммит оҕолоро, олохтоох администрация, Бүлүү улууһун культуратын үлэһиттэрэ, Бүлүү куорат хомус түмэлин салайааччыта, Аан дойду таһымнаах хомус уустара Чемчоев Р.Г.-Чөмчөө уус, Мальцев М.Н.-Кылаан уус уо.д.а  кыттыыны ыллылар.

«Дьүрүһүйэ турдун хомуһуҥ» ахтыы – кинигэ күн сирин көрөрүгэр үбүнэн көмөлөспүт Уйбаан бииргэ төрөөбүттэрэ  уонна улааппыт-олоробут нэһилиэгин – Хампа олохтоох дьаһалтата, «Эрэл» сынньалаҥ киинин үлэһиттэрэ, С.Ф. Гоголев аатынан Хампа орто оскуолата, «Кэскил» оҕо уһуйаана, театральнай оскуола, Бүлүү культуратын управленията, Бүлүү куорат хомус түмэлэ, хомусчут–импровизатор Евсеева Августина Платоновна тэрээһини ыытарга көмөлөстүлэр.

Хомус күрэҕэ

Хомус күрэҕэр 14 сааһыттан саҕалаан 25  киһи кытынна.

14-18 саастаахтарга:
— 1 миэстэ Чемезов Герман (32,5 бааллаах);
— 2 миэстэ Егорова Далаана (30,6 бааллаах);
— 3 миэстэ Павлова Саша (28.2 бааллаах).

19-35 саастаахтарга:
— 1 миэстэ Данилова Эльза (38.9 бааллаах);
— 2 миэстэ Сивцева Токуйаана (38.6 бааллаах);
— 3 миэстэ Васильева Айысхаана (35.2 бааллаах).

36-үөһэ:
— 1 миэстэ Егорова Наталья (36,4 бааллаах);
— 2 миэстэ Саввинова Ньургуйаана (36 бааллаах);
— 3 миэстэ Герасимова Антонина (35,5 бааллаах).

Гран при 38,9 бааллаах бирииһи ылла Бүлүү куоратыттан сылдьар Харлампьева Светлана Петровна.

Бииргэ үөрэммит оҕолорун уонна учуутала Мандарова М.Н. ааттарыттан анал бириис хаһаайына буолла Прокопьева Марта, Хампа.

Осипов П.Ф-Төлөн уус дьиэ кэргэнин анал бирииһин ылла, эдэр кэскиллээх хомус оонньооччута Петр Николаев, Бүлүү куората.

Хомус тыаһа  үйэттэн-үйэҕэ дьүрүһүйэ турдун!

Г. Ф. Колодезникова, Арыылаах нэһилиэгин модельнай бибилэтиэкэтин кыл. бибилэтиэкэрэ