Бүлүүтээҕи ыччат библиотеката, Төрөөбүт тыл уонна сурук-бичик күнүгэр, Өрөспүүбүлүкэҕэ оҕо сылыгар анаммыт сахалыы таба суруйуу үөрүйэҕин иҥэрэр сыаллаах, үгэскэ кубулуйбут өрөспүүбүлүкэтээҕи «Сахалыы дьыктаан» аахсыйаҕа кытынна.
Дьыктааны Н.Г. Чернышевскай аатынан Бүлүүтээҕи профессионально-педагогическай колледж студеннара суруйдулар. Кыттааччылар «Эн дьолуҥ — оҕо» диэн Бүлүү Баппаҕаайытыттан төрүттээх, ССРС уонна РСФСР үөрэҕириитин туйгуна, СР үтүөлээх учуутала, Учууталлар учууталлара, Горнай улууһун уонна Бэрдьигэстээх нэһилиэгин бочуоттаах олохтооҕо Василий Игнатьевич Николаев кинигэтиттэн быһа тардыыны ведущай библиотекарь Мария Иванова аахта.
Светлана Николаева, Ыччат библиотеката, кыл. библиотекарь