Тохсунньу 26 к., Бүлүүтээҕи оройуоннай оҕо бибилэтиэкэтэ уонна Н.И. Ылахова аатынан «Алгыс» НКК тэрийиилэринэн IV-с аһаҕас «Вилюйские узоры» оҕолор айар дьоҕурдарын бэстэбээллэрин иһинэн ыытыллар «Айхаллан, төрөөбүт куораппыт!» уһуйаан иитиллээччилэригэр, алын сүһүөх уонна орто сүһүөх оҕолоругар бөлөҕүнэн уус-уран ааҕыы күрэҕэ буолла.
Тэрээһин Арассыыйаҕа – Дьиэ-кэргэн, Саха сиригэр — Оҕо сылларыгар, Бүлүү куорат 390, оройуоннай оҕо библиотека 75 үбүлүөйдээх сылларыгар ананна.
Оҕолор, Бүлүү Хотун эбэккэ, кылбаһыйа устар үрүҥ көмүс долгуна, кырылыыр кыһыл көмүс кумахтаах куораппыт, бэс чагдатын дыргыл сытынан сайа тыынан, истиҥ иэйии умсулҕанын билэн, поэзия алыптаах тыыныгар уйдаран, көмүс бөрүөлээх айар талааннаах дьон — Бүлүү куоракка анаабыт хоһооннорун үөрэтэн, уус-ураннык ааҕан, күрэххэ бэлэмнэнэн кэлэн кытыннылар.
Бу күрэххэ уопсайа 158 оҕо кыттыыны ылла. Күрэҕи иилээн — саҕалаан ыытта Туяра Федоровна Васильева. Дьүүллүүр сүбэҕэ Саха Республикатын культуратын үтүөлээх үлэһитэ Марфа Спиридоновна Васильева, Саха Республикатын культуратын туйгуна, Надежда Иннокентьевна Ылахова аатынан «Алгыс» национальнай культурнай киин режиссера Мария Ильична Иванова уонна Бүлүүтээҕи оройуоннай оҕо библиотекатын кылаабынай библиотекара Владилена Владимировна Софронова, Саха Республикатын культуратын туйгуна Мария Егоровна Егорова – оҕо библиотекатын библиограба үлэлээтилэр.
Уһуйаан иитиллээччилэригэр уонна оскуола оҕолоругар кыайыылаахтары быһааран дьүүллүүр сүбэ түмүгү таһаарда:
Гран-при үрдүк ааты уһуйаан иитиллээччилэригэр ылары ситистилэр:
«Биһикчээн» оҕону сайыннарар киин «Үрүмэччи» бөлөҕө;Лауреат I степени:
«Аленушка» оҕону сайыннарар киин «Ромашка» бөлөҕө;Лауреат II степени:
«Аленушка» оҕону сайыннарар киин «Колокольчик» бөлөҕө;Лауреат III степени:
«Туллукчаана» оҕону сайыннарар киин «Бүлүү кэскиллэрэ» бөлөҕө;Дипломант III степени:
«Аленушка» оҕону сайыннарар киин «Мичээр» бөлөҕө.
Гран-при оскуола оҕолоругар:
Г.С.Донской аатынан №2 оскуола 3 «б» кылаас «Уолан» бөлөҕө;Алын сүһүөх оскуола оҕолоругар:
Лауреат I степени:
Г.С.Донской аатынан №2 оскуола 2 кылаас «Дьулуур» бөлөҕө;Лауреат II степени:
№1 уопсай үөрэхтээхтээһин начаалынай оскуола 2 «б» кылаас «Сарыал» бөлөҕө;Лауреат III степени:
Г. С. Донской аатынан №2 оскуола 1 «а» кылааһын үөрэнээччилэрэ.
Орто сүһүөх оскуола оҕолоругар:
Дипломант I степени:
Г. Ф. Николаев аатынан Бөкчөҥө орто оскуолатын «Иэйии» бөлөҕө;Дипломант II степени:
И. Л. Кондаков аатынан Бүлүүтээҕи гимназия 5 «б» кылааһын «Профессор Кондаков сиэннэрэ» бөлөҕө;Дипломант III степени:
И. Л. Кондаков аатынан Бүлүүтээҕи гимназия 8 «б» кылааһын «Профессор Кондаков ыччаттара» бөлөҕө.
«Айхаллан төрөөбүт куораппыт» диэн уус-уран ааҕыы күрэҕэр кыттыбыт оҕолорго, төрөппүттэргэ, бэлэмнээбит салайааччыларга махталбытын биллэрэбит. Куруук үөрэ-көтө, мичилийэ сылдьыҥ! Төрөөбүт Ийэ дойдугутун, төрөөбүт куораккытын таптааҥ, харыстааҥ.
Бүлүүтээҕи оройуоннай оҕо бибилэтиэкэтэ
