Быйыл 2023 сыл муус устар 15 күнүгэр төлкөлөөх төрүт ийэ тылын иҥэн-тоҥон билэр, иэйиилээхтик суруйар, саха норуотун муудараһын, баай култууратын дириҥник өйдүүр талааннаах оҕо суруйааччыта, лиирик поэт Гавриил Григорьевич Вешников – Баал Хабырыыс төрөөбүтэ 115 сыла бэлиэтэнэр.
Айар үлэ Баал Хабырыыска саамай таптыыр, ис сүрэҕиттэн тардыстан ылларбыт идэтинэн буолбута. Кини хоһоонноро судургулар, лоп-бааччы кэпсэтэн эрэрдии истиҥнэр итиэннэ ыраас санаанан суруллубут буоланнар, ааҕааччыга тиийимтиэлэр.
Отучча кинигэни сахалыы, нууччалыы тылларынан бэчээттэтэн, баай литературнай нэһилиэстибэни хаалларбыта.
Бүлүүтээҕи оройуоннай оҕо библиотеката поэт олоҕун, айар үлэтин туһунан бэлэмнээбит видеопрезентациятын көрүҥ. «Кинигэ кэпсиир» медиапроект таһаарыыта.
YouTube канал Вилюйской районной детской библиотеки: https://www.youtube.com/watch?v=pQROfd8f2LQ
Тиэкиһи сайтка, видеопрезентацияны бэлэмнээтилэр: оҕо библиотекатын үлэһиттэрэ
Т. Ф. Васильева уонна В. В. Софронова