Саха народнай поэта И. М. Гоголев-Кындыл айымньыларын ааҕааччы киэҥ араҥатыгар сырдатар, поэт аатын үйэтитэр, айымньылаах үлэҕэ уһуйар сыаллаах «Гоголев ааҕыылара – 2023» чэрчитинэн «Мичээрдиир мин уйан дууһам…» диэн уус-уран ааҕыы күрэҕэ кулун тутар 22 күнүгэр буолан ааста. Тэрээһин Улуустааҕы киин библиотека 125 сыллаах үбүлүөйүгэр ананна.
Манна оскуола үөрэнээччилэрэ, эдэр ыччат, улахан дьон Бүлүү куоратыттан, Бороҕоттон, Бөтүҥтэн, Кыргыдайтан, Халбаакыттан, Хампаттан көхтөөх кыттыыны ыллылар. Кэлбит ыалдьыттар Кындыл хоһооннорун сахалыы уонна нууччалыы тылынан ааҕан иһитиннэрдилэр.
И. М. Гоголев аатынан улуустааҕы библиотека директоры солбуйааччы Федора Игнатьева «Гоголев ааҕыылара – 2023» саҕаламмытынан кыттааччылары эҕэрдэлээтэ уонна ситиһиилэри баҕарда. Народнай поэт тылыгар, А. Калининскай-Луҥха мелодиятыгар библиотекарь Августина Семенова «Үчүгэй» диэн ырыатын ыллаан улахан биһирэбили ылла. Оҕо библиотекатын кылаабынай библиограба М. Е. Егорова хоһоон түһүлгэтин иилээн – саҕалаан ыытта. Дьүүллүүр сүбэҕэ үлэлээтилэр: М. С. Алексеева — Н. И. Ылахова аатынан «Алгыс» «Национальнай-культурнай киинин үлэһитэ, В. В. Софронова, Н. П. Михайлов — И. М. Гоголев аатынан киин библиотека үлэһиттэрэ.
Кыттааччылары истэн, сыана туруоран маннык түмүккэ кэллилэр:
Оскуола үөрэнээччилэрин ортолоругар
Биирдиилээн ааҕыы:
Чыпчаал кыайыылаах — Н. С. Степанов аатынан Бүлүүтээҕи N 3 оскуола 9 кылаас үөрэнээччитэ Карина Екимова И. Гоголев – Кындыл «Любимая моя Лена» поэматыттан быһа тардан ааҕан ааттанна, салайааччы А. Н. Игнатьева.
Иккис үрдэл — Г. И. Чиряев аатынан Бүлүүтээҕи N 1 оскуола 6 «в» кылаас үөрэнээччитэ Василий Артемьев — «Үчүгэй» диэн хоһоонунан, салайааччы И. М. Аммосова.
Үһүс үрдэл — Н. С. Степанов аатынан Бүлүүтээҕи 3 оскуола 6 кылаас үөрэнээччитэ Яковлев Миша, «Баллада о старой шинели» диэн хоһоонунан, салайааччы А. Н. Игнатьева
Бөлөҕүнэн ааҕыы:
Чыпчаал кыайыылаах — Н. С. Степанов аатынан Бүлүүтээҕи N 3 оскуола 11 «б» кылааһын «Сайдыс» бөлөх уонна Октябрина Григорьевна Винокурова анал бирииһин туттулар, салайааччы Ф. Н. Петрова.
Иккис үрдэл — Г. И. Чиряев аатынан Бүлүүтээҕи N 1 оскуола 7 «а» кылаас үөрэнээччилэрэ «Үөр — көт», салайааччы И.М. Аммосова.
Үһүс үрдэл — П. И. Быканов аатынан Халбаакы орто оскуола үөрэнээччилэригэр «Халбаакы Хаппалыга», салайааччы С. Н. Петрова
Эдэр ыччат, улахан дьон ортолоругар
Кылаан чыпчаал — Александра Константиновна Алексеева уонна Октябрина Григорьевна Винокурова анал бирииһин тутта, «Бырааһынньыкка мин баҕар…» диэн хоһоонунан, Кыргыдай
Чыпчаал кыайыылаах — Виктория Гоголева «Сэттэ үөстээх кустук» диэн айымньытыттан быһа тардан «Ый кыыһа» хоһоонун ситиһиилээхтик толордо, салайааччы Каратаева С. П., Бороҕон
Иккис үрдэл — Анна Николаевна Игнатьева «Мин доҕорум поэзия» хоһоонунан.
Үһүс үрдэл — Анна Семеновна Протопопова «Аал луук мас» поэматтан быһа тардыыны ааҕан, салайааччы Игнатьева А. Н., Бүлүү
Бөлөҕүнэн ааҕыыга:
Чыпчаал кыайыылаах — «Уу оҕуһун муоһугар суруктар» поэматтан ааҕан ааттанна «Холумтан» бөлөх, салайааччы А. И. Николаева.
Иккис үрдэл — Бүлүүтээҕи профессионально — педагогическай коллежд үлэһиттэрин «Иэйии» бөлөх толорууларыгар.
Бары кыттааччыларга, салайааччыларга туоһу сурук туттарылынна.
Библиотека үлэһиттэрэ саха народнай поэта И.М. Гоголев-Кындыл айымньыларын ааҕыыга «Гоголев ааҕыылара – 2023» чэрчитинэн «Мичээрдиир мин уйан дууһам…» диэн ааттаах уус-уран ааҕыы күрэх кыттааччыларыгар улахан махталбытын тириэрдэбит.
Ааҕааччыны кытта үлэлиир отдел
