«Төрөөбүт тыл–норуот сайдар кэскилэ» : тургутук

Олунньу 13 күнүгэр Төрөөбүт тыл уонна сурук–бичик күнүн бэлиэтиибит. Бу күн – саха норуотун биир уһулуччулаах, бастакы лингвист-учуонайа, саха суругун-бичигин төрүттээбит, саха бастакы алпаабытын оҥорбут Семен Андреевич Новгородов төрөөбүт күнэ. Убаастабыллаах ааҕааччылар, Бүлүүтээҕи оройуоннай оҕо библиотеката  «Төрөөбүт тыл–норуот сайдар кэскилэ» диэн тургутугу ааһаргытыгар ыҥырар…


СӨ бастакы президенэ – Михаил Ефимович Николаев 1996с олунньу ый 9 күнүннээҕи Ыйааҕынан олунньу 13 күнүн «Төрөөбүт тыл уонна сурук-бичик күнүнэн» биллэрбитэ.

Тыл – омук биир саамай сүрүн бэлиэтэ. Хайа да омук бэйэтэ тыллаах буолан, туспа омук аатырар. Тыла суох – омук суох.

Тыл баайа, кыаҕа, күүһэ – бу омук сайдар мэктиэтэ, үүнэр үктэлэ, инники кэскилэ. Төрөөбүт тыллаах киһи ийэ куттаах, бигэ силистээх.

Семен Андреевич норуота үөрэхтээх буоларыгар баҕаран Санкт-Петербурга үөрэммит, илиҥҥи тыллары утумнаахтык үөрэппит. Ол курдук, кини арабскай, персидскэй, турецкай, монгольскай, манчжурскай, кэлин татарскай тыллары үөрэппит. Семен Андреевич төрөөбүт тылын, историятын, баай фольклорун анаан-минээн үөрэтэн, чинчийэн, элбэх матырыйаалы, научнай ыстатыйалары суруйбут киһинэн буолар. Төрөөбүт тылын күн курдук күндүтүк көрөрө, киэн туттара.

Бүлүүтээҕи оройуоннай оҕо библиотеката  «Төрөөбүт тыл-норуот сайдар кэскилэ» диэн тургутугу ааһаргытыгар ыҥырар.



Бүлүүтээҕи оройуоннай оҕо библиотеката

Оставить комментарий

Наш сайт использует файлы cookies, чтобы улучшить работу и повысить эффективность сайта. Продолжая работу с сайтом, вы соглашаетесь с использованием нами cookies и политикой конфиденциальности.

Принять
Обратная связь