Олунньу ый 9 күнүгэр, Бүлүүтээҕи оройуоннай оҕо библиотеката, Н. И. Ылахова аатынан «Алгыс» сынньалаҥ киинин кытта кыттыһан «Барҕа баайым-мин төрөөбүт тылым» диэн уус-уран ааҕыы күрэҕин тэрийэн ыыттылар.
Олунньу ый 13 күнүгэр Төрөөбүт тыл уонна сурук–бичик күнүн бэлиэтиибит. Бу күн – саха норуотун биир уһулуччулаах, бастакы лингвист-учуонайа, саха суругун-бичигин төрүттээбит, саха бастакы алпаабытын оҥорбут Семен Андреевич Новгородов төрөөбүт күнэ.
СӨ бастакы президенэ — Михаил Ефимович Николаев 1996с олунньу ый 9 күнүннээҕи Ыйааҕынан олунньу 13 күнүн «Төрөөбүт тыл уонна сурук-бичик күнүнэн» биллэрбитэ.
Тыл – омук биир саамай сүрүн бэлиэтэ. Тыла суох – омук суох.
Бүгүн, Олунньу ый 9 күнүгэр, Бүлүүтээҕи оройуоннай оҕо библиотекатыгар Н.И.Ылахова аатынан «Алгыс» сынньалаҥ киинин кытта кыттыһан «Барҕа баайым-мин төрөөбүт тылым» диэн уус-уран ааҕыы күрэҕин тэрийэн ыыттыбыт.
Күрэххэ Бүлүү куоратын 9 уһуйааныттан 26 оҕо кыттыыны ыллылар. Чуолкайдык аахпыт, айымньы ис хоһоонун толору арыйбыт, истээччи болҕомтотун тардыбыт бастыҥ оҕолору дьүүллүүр сүбэ быһааран кыайыылаахтар ааттара ааттанна.
1 миэстэ – Атаманова Амелия «Чуораанчык» оҕону сайыннарар киин иитиллээччитэ.
2 миэстэ – Саввина Айза «Сардаана» уһуйаан иитиллээччитэ.
3 миэстэ –Никифорова Айыына «Кустук» о5о тылын сайыннарар уһуйаан иитиллээччитэ.
«Бастыҥ салайааччы» аат иҥэрилиннэ «Чуораанчык» оҕону сайыннарар киин иитээччитигэр Мороз Пелагея Ивановнаҕа.
Оҕолору бэлэмнээн кытыннарбыт салайааччыларга, уһуйаан иитиллээччилэригэр, төрөппүттэргэ барҕа махталбытын этэбит. Өрүү Ийэ тылынан саҥарыаҕыҥ, саха тылынан сайдыаҕыҥ!
Вилюйская районная детская библиотека
