Бүлүү оройуонун Тааһаҕар нэһилиэгиттэн төрүттээх биир дойдулаахпыт, Саха АССР оскуолаларын үтүөлээх учуутала, РСФСР норуотун үөрэҕириитин туйгуна, педагогическай наука кандидата, Аҕа дойду Улуу сэриитин кыттыылааҕа Игнатий Иванович Каратаев тохсунньу 15 күнүгэр төрөөбүтэ 100 сылын бэлиэтиибит…
Ийэ дойдубут кэскилин туһугар охсуспут хорсун буойун, дьоҕурдаах учуутал, саха ыччата үөрэхтэниитигэр дьоһун кылааты киллэрбит талааннаах учуонай кэрэхсэбиллээх олоҕун кэпсиир очерканы, суруналыыс, суруйааччы Григорий Нынныров 1978 сыллаахха суруйбута. Күндү ааҕааччылар, очерканы сиһилии библиотекабыт Электроннай библиотекатын сайтыгар ааҕыаххытын сөп.
Төрүт матырыйаал:
Нынныров, Григорий Семенович. Хорсуҥҥа – «Хорсунун иһин» : [Саха АССР оскуолаларын үтүөлээх учуутала, РСФСР норуотун үөрэҕириитин туйгуна, Аҕа дойду Улуу сэриитин кыттыылааҕа Игнатий Иванович Каратаев туһунан : очерк] / Григорий Нынныров // Хотугу сулус. – 1987. – N 5. – С. 74-79. – URL: https://e-librvil.ru/book221/
Игнатий Иннокентьевич үөрэнээччитэ Саха АССР оскуолаларын үтүөлээх учуутала, РСФСР норуотун үөрэҕириитин туйгуна Иван Иннокентьевич Николаев: «Учууталбытын хара бастаыттан олус сөбүлээн, ытыктаан, таптаан үөрэммиппит. Кыыһырар, мөҕөр, күргүйдүүр диэни билбэт киһи эбит этэ. Сороҕор мэниктээн бараары гыннахпытына, хайдах эрэ өссө кэҥээбит харахтарынан кыбыс-кытаанахтык көрүтэлээн кэбистаҕинэ, кылаас иһэ уу чуумпу буола түһэрэ. Мин иннибэр бастыҥ үөрэнээччибит Маркел Каратаев олороро (билигин кини ученай-агроном, «Болугур» совхоз директора), учууталбыт Игнатий Иванович тимир курдук көрүтэлиириттэн толлон паартаҕа элбэхтик кирийбитин билиҥҥэ диэри өйдүү сылдьар эбит…»
Төрүт матырыйаал:
Николаев, Иван Иннокентьевич. Саллаат учууталым олоҕуттан : [Саха АССР оскуолаларын үтүөлээх учуутала, РСФСР норуотун үөрэҕириитин туйгуна Игнатий Иванович Каратаев туһунан] / И. Николаев // Бэлэм буол. – 1985. – Ыам ыйын 23 күнэ (N 41). – С. 2. – URL: https://e-librvil.ru/hss52/
Рекомендательнай испииһэккэ Игнатий Иннокентьевич араас сылларга тахсыбыт научнай үлэлэрэ, кинигэлэрэ, ыстатыйалара, кини туһунан атыылар испииһэктэрэ хомуллан киирдилэр. Испииһэги хомуйан оҥордулар Бүлүү улууһун киин библиотекатын библиографтара .
Сырдык аартык илдьитэ : Игнатий Иванович Каратаев төрөөбүтэ 100 сааһыгар аналлаах библиографическай испииһэк / «Бүлүүтээҕи Иван Гоголев-Кындыл аатынан нэһилиэктэр икки ардыларынааҕы кииннэммит библиотека ситимэ» МХТ, Улуустааҕы киин библиотека ; хомуйан оҥордулар : Л. С. Капитонова, А. В. Корякина, Н. П. Седалищева. – Бүлүү, 2023. – [26] с. : ил. – URL: https://e-librvil.ru/bp30/
Бэлэмнээтэ: Информационнай технология отдела
