От ыйын 8 кунугэр Бүтүн Арассыыйаҕа Дьиэ кэргэн, таптал уонна эрэллээх буолуу күнэ бэлиэтэнэр. Бырааһынньык 2008 сылтан бэлиэтэнэр буолбута. Бигэ туруктаах, дьоллоох дьиэ кэргэн – таптал, үтүө санаа уонна кыһамньы биһигэ, модун уонна дьоллоох дойду бөҕө тирэҕэ буолар. Бу бэлиэ күн Бүлүүтээҕи ыччат уонна оройуоннай оҕо бибилэтиэкэтэ «Дьиэ кэргэнинээн бары – бибилэтиэкэҕэ« диэн көрдөөх-нардаах истиҥ сынньалаҥ киэһэтин тэрийэн ыыттылар…
Мустубут ыалдьыттарга улуустааҕы СППиМ кииниттэн психолог Л. А. Андреева кэлэн «Таптал 5 тыла» диэн бэсиэдэнэн кэлбит дьон болҕомтотун тарта.
Айылҕа матырыйаалыттан «Музыка ветра» диэн мастер кылааһы, маны сэргэ викториналары, хамаанданнан оонньуулары, куонкурстары, «Ладонь согретая любовью» акцияны библиотека улэһиттэрэ В. В. Софронова, Ф. А. Игнатьева, М. А. Иванова тэрээһиннээхтик, бэһиэлэйдик ыыттылар.
Оҕолор бырааһынньык бэлиэтэ – ромашка сибэккини сирэйдэригэр аквагримынан оҥоһуннулар, «Мин дьиэ кэргэним» тиэмэҕэ асфальга уруһуйдаан, бөрүөннэн кичэйэн суруйууга боруобаланан, «Сказка о Петре и Февронии» мультипликационнай киинэ көрөн, анал фотозоналарга хаартыскаҕа туһэн, кинигэ быыстапкатын интэриэһиргээн, ийэлиин, аҕалыын, эбээлиин, оҕолуун бары көхтөөхтүк кыттан, сынньанан, бириэмэни дьиэ кэргэнинээн туһалаахтык атааран тарҕастылар.
Куннээҕи түбүктэн быыс булан, биһиги ыыппыт тэрээһиммитигэр, кэлэн көхтөөх кыттыыны ылбыккытыгар махтанабыт. Баҕарабыт дьиэ кэргэҥҥитигэр өрүү эйэ, таптал сылааһа сыдьаайдын. Дьиэ кэргэнинээн кинигэ эйгэтигэр уһуйуллуҥ, библиотекаҕа мэлдьи сылдьыҥ.
Мария Иванова,
Ыччат бибилэтиэкэтин сүрүннүүр бибилэтиэкэрэ