«Улуу киһи омук иһиттэн тахсар» диэн мээнэҕэ эппэттэр. Оннук Улуу киһиннэн саха норуотугар буолар Алексей Елисеевич Кулаковскай – Өксөкүлээх Өлөксөй. Кулун тутар 17 (4) күнүгэр, Саха уус-уран литературатын төрүттээччи, поэт, наука араас көрүҥнэригэр маҥнайгы оҥкулу охсубут чинчийээччи, гуманист-философ Өксөкүлээх Өлөксөй төрөөбүтэ 145 сылын бэлиэтиибит.
Кини олорон ааспыт олоҕун, үлэлээн хаалларбыт үлэлэрин, айан хаалларбыт айымньыларын сүрүн тыына — саха дьоно чөл олоҕу, үлэни-хамнаһы кыайан, үөрэҕи тобулаан, талааннарын арыйан, эйэни өрө тутан олох үрдүк чыпчаалын ситиһиилэрэ буолар.
Билиҥҥи үйэ уларыйа турар кирбиилэригэр Улуу киһибит айымньыларын, научнай чинчийиилэрин сөргүтэн, саҥалыы анааран, баайын-сүмэтин иҥэринэн сайдыы көнө суолугар сирдэтиэҕиҥ.
Күндү оҕолор, эһигини Бүлүүтээҕи оройуоннай оҕо бибилэтиэкэтэ бэлэмнээбит А. Е. Кулаковскай төрөөбүтэ 145 сылыгар анаммыт «Алгыс тылынан саҕаламмыт литература» видеопрезентациятын сэргээн көрөргүтүгэр ыҥырабыт: https://www.youtube.com/watch?v=mnv6_DEv4vI
Бүлүүтээҕи оройуоннай оҕо бибилэтиэкэтэ
≡ В оформлении данной страницы сайта использована иллюстрация якутского художника–иллюстратора, живописца, члена Союза журналистов РФ Иннокентия Юрьевича Пестрякова (село Хатырык, Намский улус)