Аҕа дойду Улуу сэриитин сылларыгар дойду үрдүк наҕараадатыгар Советскай Союз Геройун аатыгар түһэриллибит биһиги биир дойдулаахтарбыт сэрии бүппүтэ 45 сыл буолбутун кэннэ Герой үрдүк аатын сүкпүттэрэ. Бу ситиһии киэҥ далааһыннаах үлэ түмүгэ этэ. Кэскиллээх үлэни сүрүннээн, тэрийэн ыыппыта Бүлүү к. бэтэрээннэрин советын председателэ Афанасий Иннокентьевич Николаев.
Уһун сыллар үлэлэрин түмүгүнэн, Верховнай Совет депутаттарын көмөтүнэн, ССРС Президенин уурааҕынан ыам ыйын 5 күнүгэр 1990 с. Бүлүүлэр үс Геройдаммыттара. Сэбиэскэй Сойуус Геройун аата Николай Алексеевич Кондаковка, Алексей Афанасьевич Мироновка, Николай Саввич Степановка иҥэриллибиттэрэ.
Убаастабыллаах ааҕааччылар, эһиги болҕомтоҕутугар А. И. Николаев хомуйбут «Материалы о Героях Советского Союза Кондакове Н. А., Миронове А. А., Степанове Н. С.» диэн, дойду үрдүк наҕараадата туһааннаах дьонун буларыгар ыытыллыбыт үлэ хаамыытын туоһулуур докумуоннардаах папката. Билсиҥ Бүлүү улууһун «Бүлүүтээҕи поселениелар икки ардыларынааҕы кииннэммит библиотечнай система» МКТ Электроннай библиотека сайтыгар : URL: https://e-librvil.ru/book190/
Бу сэдэх докумуон Николаевтар тус архыыптарыгар харалла сытар. Афанасий Иннокентьевич оҕолоро, Электроннай библиотека сайтыгар тахсарыгар баҕаларын эттилэр, оцифровкалыырга көҥүл биэрдилэр.
Бүлүү улууһун ааҕааччыларын, олохтоохторун, библиотека үлэһиттэрин ааттарыттан махталбытын тиэрдэбит, инникитин да бииргэ үлэлииргэ эрэнэбит!
Николаев, А. И. Геройдар үрдүк наҕараадалара хайдах ситиһиллибитэй? // Хорсуннар суоллара умнуллубат / А. И. Николаев ; [уус-уран эрэдээктэр А. Е. Шапошникова]. – Дьокуускай, 2015. – С. 96–103. – URL: https://e-librvil.ru/book38/
Саха АССР норуотун хаһаайыстыбатын үтүөлээх үлэһитэ, учуутал, партийнай-советскай үлэһит, Бүлүү улууһун бочуоттаах олохтооҕо , 1945 сыллааҕы милитаристскай Японияны утары сэрии кыттыылааҕа, Афанасий Иннокентьевич Николаев, 2022 сыл тохсунньу ыйга төрөөбүтэ 100 сылын бэлиэтээтибит.
Салгыы Афанасий Иннокентьевич бэйэтин олоҕун, Илиҥҥи фроҥҥа сулууспалаабыт сылларын, үлэтин, дьонун-сэргэтин туһунан суруйбут «Олоҕум эркээйилэрэ» автобиографиятын сэргээн ааҕыҥ, билсиҥ:
Николаев, Афанасий Иннокентьевич (1922–2020). Хорсуннар суоллара умнуллубат / А. И. Николаев ; [уус-уран эрэдээктэр А. Е. Шапошникова]. – Дьокуускай : Бичик, 2015. – 205, [2] с., [12] л. ил., цв. ил., портр. : ил., портр. – URL: https://e-librvil.ru/book38/
Сэрии кыттыылаахтара кэпсииллэр : (сэрии ветераннарын ахтыылара) / [матырыйааллары хомуйда] А. И. Николаев ; [ред.] Г. Н. Васильев – Мандар. – Бүлүү : Улуус. тип., 2009. – 120 с. : ил., портр. – URL: https://e-librvil.ru/book36/
Хомуурунньукка, Аҕа дойду Улуу сэриитин кыттыылаахтарын ахтыылара түмүллэн киирбиттэр. Кыргыһыы хонуутун уутун-уотун ортотунан ааһан, дойдуларыгар тыыннаах эргиллэн кэлбит буойуннар кэпсээннэрэ кими баҕарар долгутар ураты күүстээх. Хомуурунньук матырыйааллара уһун кэмҥэ хомуллан, сааһыланан, көннөрүллэн тахсыбыт. Кинигэҕэ ахтыылары суруйбут ветераннар өйдөрүн-санааларын, дууһаларын иэйиитэ хайдах этиллибиттэринэн киллэриллибиттэр.
«ПАМЯТЬ. Книга-мемориал», увековечивающий имена участников Великой Отечественной войны, ветеранов трудового фронта и тыла Вилюйского улуса (района). Книга впервые была издана к 50-летию Победы в Великой Отечественной войне. Издана во многом благодаря – настоящими энтузиастами поискового дела по увековечению памяти воинов вилюйчан – рабочей группой во главе Афанасием Иннокентьевичем Николаевым, руководителем, редактором и специалистами поисковой группы Геннадием Дмитриевичем Петровым, Парасковьей Петровной Степановой. Также в поисковую группу были вовлечены рабочие группы наслегов, добровольные помощники и ветераны войны. Перейти к тематической подборке Электронной библиотеки
Матырыйаалы хомуйан бэлэмнээтэ: Информационнай технология (ЭБ) отдела