Космические приключения : оҕолорго конкурс

Муус устар 12 күнэ — Космонавтика күнэ. Бу күн Бороҕон модельнай библиотекатыгар араас хабааһыннаах тэрээһиннэр ыытылыннылар. Алын сүһүөх кылаас оҕолоругар «Космические приключения» диэн ааттаах, оҕо дьоҕурун сайыннарар сыаллаах оҥоһуктар конкурстара ыытылынна, болҕомтону тарта, сэҥээриини ылла.

Оҕолор оҥоһуктара выставкаҕа турда, дьон – сэргэ көрөн астыннылар. Оҥоһуктар араас матырыйаалтан оҥоһуллубуттар, холобура:  утах иһититтэн, доширак, хоруопкалаах сакылаат хахтарыттан, хортуон, шарик, пластилин уонна да атын матырыйааллартан.

Колтовской Антон, 3 кылаас үөрэнээччитэ «Восток — 1» космическай хараабыл оҥорбут. Бу хараабыл иһигэр космонавт  Юрий Гагарин көтөргө бэлэм олорор. Бу үлэ «Быраҕыллар матырыйаалтан — туһаҕа» номинацияҕа бастакы миэстэни ылла.

Федорова Снежана, 3 кылаас үөрэнээччитин үлэтин аата «Солнечная система». Шариктарынан күн систиэмэтин планеталарын оҥорбут. «Пластилинтан үлэ» номинация кыайыылааҕа буолла.

Онтон да атын үчүгэй сэргэх үлэлэр бааллар. Бу үлэлэр хас да күн быыстапкаҕа турдулар. Дьааһыла-саад иитиллээччилэрэ сэҥээрэ көрдүлэр.

Оҕолор бэйэлэрин икки ардыгар оҥоһуктарын ырытыһан, санаа атастаһан тарҕастылар.

Каратаева С. П., Бороҕон модельнай библиотекатын библиотекара



Оставить комментарий

Наш сайт использует файлы cookies, чтобы улучшить работу и повысить эффективность сайта. Продолжая работу с сайтом, вы соглашаетесь с использованием нами cookies и политикой конфиденциальности.

Принять
Обратная связь