Муус устар 13 күнүгэр, Бүлүү куоратыгар, киин библиотека ааҕар саалатыгар «Кыргыдайдар. Булуу улууһа» кинигэ сурэхтэниитэ буолан ааста.
Бу — Бүлүү улууһун Кыргыдай нэһилиэгин историятын туһунан бастакы кинигэ.
Кинигэ сүрэхтэниитин биир дойдулаахпыт Айталина Петровна Семенова (Алексеева) иилээн — саҕалаан ыытта.
Кинигэ тутулун, ис хоһоонун, тылын — өһүн биир дойдулаахпыт Матрена Петровна Дмитриева быһааран кэпсээтэ. Матрена Петровна олоҕун тухары төһөлөөх элбэх кинигэни ааҕааччыга билиһиннэрбитэ буолуой? Бу төрөөбүт-үөскээбит дойдутун туһунан кинигэни дьоҥҥо — сэргэҕэ билиһиннэрии долгутуулааҕа биллэр. Бар дьонугар кинигэни тиийимтиэ гына быһааран кэпсээбитин бэлиэтиэххэ сөп.
Бу кэнниттэн дохсун ытыс тыаһынан кинигэ ааптардарын Евдокия Гаврильевна Николаеваны, Татьяна Васильевна Абрамованы, Татьяна Иосифовна Николаеваны эҕэрдэлээһин буолла. Нэһилиэк баһылыга С. С. Григорьев кинигэ ааптардарыгар, көмөлөспүт дьоҥҥо махтал суруктары, сэмэй бэлэхтэри туттарда. Маны таһынан архыып матырыйаалларынан көмөлөспүт Борисов Клим Семеновичка, ытыктанар биир дойдулаахтарбытыгар Н. С. Петроваҕа, М. П. Дмитриеваҕа махтал суругу, сэмэй бэлэҕи , кинигэни туттарда.
Улуус баһылыгын 1 солбуйааччы И. И. Евсеев эҕэрдэ тылыгар биһиги нэһилиэкпит туһунан үгүс үтүө тыллары эттэ, өссө да үгүс ситиһиилэри баҕарда уонна улуус баһылыгын Бочуотунай Грамотатын Е. Г. Николаеваҕа. Т. В. Абрамоваҕа, Т. И. Николаеваҕа, Э. Я. Яковлевка, Махтал суруктары Г. П. Софроноваҕа, М.Е.Осиповаҕа, .Л. Г. Николаеваҕа, Н. С. Петроваҕа, Е. Н. Терентьеваҕа, М. С. Гаврильеваҕа, А. С. Васильеваҕа туттарда. Бу бэлиэтэммит дьоҥҥо барыларыгар Бүлүүгэ олорор биир дойдулаахтарбыт тыыннаах сибэкки дьөрбөтүн туттарбыттара умнуллубат тугэн буолла.
Нэһилиэк сайдыытыгар 9 сыл тухары үгүс үтүмэн үлэни иилээн — саҕалаан ыыппыт баһылыкпыт С. С. Григорьев «Кыргыдай нэһилиэгин сайдыытыгар үтүөлэрин иһин» бочуоттаах бэлиэни ытыс тыаһын ортотугар тутта.
Музыкальнай эҕэрдэни Егор Семенов ырыатынан киэргэтэн биэрдэ.
Бу кэнниттэн кинигэ сурэхтэниитигэр кэлбит ыалдьыттар Р. Евдокимова, П. Д. Иванова, А. Е. Петров, Ф. Ф. Николаев, Л. С. Степанова, Д. С. Седалищев, А. Е. Дмитриева, Н. С. Петрова, С. С. Алексеева уо.д.а. кинигэ туһунан бэйэлэрин көрүүлэрин, баҕа санааларын эттилэр уонна кинигэ ааптардарыгар сэмэй бэлэхтэрин туттардылар.
Бүтэһик түһүмэххэ кинигэ ааптардара Е. Г. Николаева, Т. В. Абрамова, Т. И. Николаева өр сыллар усталарыгар сыралаһан кинигэ матырыйаалын хомуйааһыҥҥа хайдах улэлээбиттэрин ахтан — санаан аастылар.
«Кыргыдайдар. Бүлүү улууһа» кинигэ сүрэхтэниитэ ити курдук, кинигэ тула, истиҥ-иһирэх кэпсэтии сиэринэн ааста.
Тэрээһин кэмигэр алаадьынан, итии чэйинэн кэлбит дьону күндүлээтилэр.
Нэһилиэк администрациятын аатыттан кинигэ сүрэхтэниитигэр көмөлөспүт Бүлүүгэ олорор биир дойдулаахтарбытыгар М. П. Дмитриеваҕа, А. П. Семеноваҕа, М. С. Алексееваҕа, Н. С. Петроваҕа, А. Е. Дмитриеваҕа, Н. П. Ивановаҕа, С. С. Алексееваҕа, Е. В. Семеновка уо.д.а. барҕа махталбытын тиэрдэбит уонна чэгиэн-чэбдик туругу, этэҥҥэ буолууну баҕарабыт!!!
Константин Степанович Мискяев,
Кыргыдай нэһилиэгин дьаһалтатын баһылыгын солбуйааччыта
* Кликните по обложке книги, чтобы подробнее узнать о ней
Навигация: Вернуться на главную страницу