Учуонай-этнограф, общественнай деятель Г. В. Ксенофонтов төрөөбүтэ 130 сылыгар анаан «Кини сылдьыбыт сирдэринэн” бырайыак чэрчитинэн Хаҥалас улууҺун Гаврил Ксенофонтов аатынан краеведческай түмэл уонна Хаҥаластааҕы кииннэммит библиотечнай ситим үлэһиттэрин кытта, муус устар 11 күнүгэр Бүлүүтээҕи киин библиотека ааҕар саалатыгар көрсүһүү буолла.
Муус устар 11 күнүгэр Бүлүүтээҕи киин библиотека ааҕар саалатыгар Сахаттан биир бастакыннан науканнан дьарыктаммыт, сахалар кимтэн кииннэхтэрин, хантан хааннаахтарын үөрэппит, сахалар уонна Сибиир норуоттарын историяларын, култуураларын, итэҕэллэрин ылсан үөрэппит сүдү учуонай-этнограф, общественнай деятель Гаврил Васильевич Ксенофонтов төрөөбүтэ 130 сылыгар анаан «Кини сылдьыбыт сирдэринэн” бырайыак чэрчитинэн Хаҥалас улууҺун Гаврил Ксенофонтов аатынан краеведческай түмэл уонна Хаҥаластааҕы кииннэммит библиотечнай ситим үлэһиттэрин кытта көрүстүбүт, үлэлэрин-хамнастарын билистибит.
Ол курдук Хаҥалас улууһун Г.В.Ксенофонтов аатынан краеведческай түмэл директора Лариса Давыдовна Константинова, научнай сотруднига Елена Вальеревна Скрябина, Хаҥаластааҕы кииннэммит библиотека директорын эбээһинэһин толорооччу Ираида Иннокентьевна Адамова, уонна «Ксенофонтовтар дьиэ кэргэттэрин библиотека –музейыттан” кылаабынай библиотекарь Раиса Семеновна Степанова кэлэн ыалдьыттаатылар.
Көрсүһүүгэ кыттыыны ыллылар Миронов Н. С – Бүлүүтээҕи П. Х.Староватов аатынан кыраайы үөрэтээччи түмэл сүрүннүүр краеведа, Бүлүү куоратын, улууһун туһунан элбэх кинигэ автора. Борисов К. С – Төрүччүнү үөрэтээччи, общественнай фотограф, Саввинова С. М куорат депутаттарын советын салайааччыта, Иванов Н. И., Иванова Н. Е – Дэлэгэй олохтоох автордар, “Музей Славы”, П. Х. Староватов аатынан, Чочутааҕы И. М. Гоголев-Кындыл аатынан түмэллэр үлэһиттэрэ уонна улууспут общественниктара кыттыыны ыллылар.
Ыалдьыттар Хаҥалас улууһун Г. В. Ксенофонтов аатынан краеведческай музей виртуальнай экскурсиятын, «Ксенофонтовтар дьиэ кэргэттэрин» библиотека-музей презентацияларын, «Гаврил Ксенофонтов Ытык Дабатыы» Саха-Фильм устубут документальнай киинэтин кэпсээтилэр, көрдөрдүлэр.
Бүлүүгэ кэлэн барбыт үтүө өйдөбүллэрин өр сылларга саныы сылдьалларыгар, үтүө киһи аатын үйэтитэ сылдьалларыгар махтанан туран Киин библиотека салайааччыта Николаева С.С улууспут туһунан сиһилии кэпсиир Н.С.Миронов кинигэтин бэлэх уунна, Бүлүү улууһун культураҕа, ыччакка уонна дьиэ кэргэҥҥэ политикаҕа начальнигын солбуйааччыта Иванова Н.Н махтал сурук уонна өйдөбүнньүк бэлэх биэрдэ.
Тэрээһин олус сэргэхтик, интэриэһинэйдик ааста. Кэлбит дьон элбэҕи саҥаны билэн тарҕастылар.
Мария Иванова, КОО кыл. бибилэтиэкэрэ
Навигация: Вернуться на главную страницу