«Тимофеев ааҕыылара – 2018»
«Амарах сүрэҕим дьикти ырыалара…»
Улуустааҕы  ырыа күрэҕин балаһыанньата

Биир дойдулаахпыт – Саха республикатын культуратын үтүөлээх үлэһитэ, П.А. Ойуунускай аатынан Государственнай бириэмийэ лауреата, саха народнай поэта Михаил Елисеевич Тимофеев быйыл төрөөбүтэ 86 сыла буолла. Кини поэзияҕа, прозаҕа 37 кинигэ автора. Саха Өрөспүүбүлүкэтин өрөгөйүн ырыатын тексин автордарыттан биирдэстэрэ буоларынан киэн туттабыт. Михаил Тимофеев хоһоонноругар мелодистар уонна композитордар 200-тэн тахса ырыалары суруйдулар.

Сыала – соруга:

1. Народнай поэт Михаил Елисеевич Тимофеев аатын үйэтитии, кини олоҕун, айымньыларын ааҕааччы киэҥ араҥатыгар билиһиннэрии, дириҥэтэн үөрэтии, ырыаларын пропагандалааһын;
2. Саҥа талааннары арыйыы.

Ыытыллар сирэ уонна бириэмэтэ:

Күрэх икки түһүмэҕинэн ыытыллар:

1 түһүмэх нэһилиэктэргэ культура үлэһиттэрин көҕүлээһиннэринэн уонна тэрийиилэринэн ыытыллар, нэһилиэктэр бэйэ-бэйэлэрин көҕүлээн бөлөхтөһөн ыыталлара биһирэнэр, бөлөххө бастаабыттар 2-с түһүмэххэ кытталлар.

2-с түһүмэх Бүлүү куоратыгар 2018 кулун тутар 15 күнүгэр «Алгыс» сынньалаҥ киинигэр 15.00 чаастан  ыытыллар.

Кыттыы усулуобуйата: 

• сааһынан хааччаҕа суох биирдиилээн толорор улахан дьон;
• Хас биирдии кыттааччы 100 солкуобай кээмэйдээх усунуос төлүүр;

Сыаналыыр көриҥнэрэ: 

• ырыаны толоруу маастарыстыбата (дикцията, куолас эгэлгэтэ, толоруу иэйиитэ, өрө көтөҕүллүүтэ, ис хоһоонун арыйыыта, истээччигэ дьайыыта);
• сценическай культура;
• музыканан, искусство атын көрүҥүнэн, саҥа технологиянан доҕуһуол биһирэнэр.

Наҕараадалааһын:

• Кыттааччыларга барыларыгар сертификат бэриллэр;
• Гран-при, I, II, III миэстэлэр, дипломунан, грамоталарынан, биһирэммит ырыаһыттар махтал суруктарынан, харчылаах сертификатынан наҕараадаланаллар;

Кыайыылаахтары дьүүллүүр сүбэ быһаарар, ол быһаарыы бүтэһиктээх. Толорооччу аата, төрөөбүт сыла, пааспарын дааннайа, хантан сылдьара, тугу үлэлиирэ, салайааччытын аата толору ыйыллыбыт сайаапкаларгытын маннык аадырыска бу дьыл кулун тутар 14 күнүгэр дылы күүтэбит: Бүлүү к., Мир уул., 11, Киин библиотека. Билсэр телефоннаргыт 43668-факс, 42745.

М.Е. Тимофеев ырыа буолбут хоҺооннорун ыйынньыгын, библиотека сайтыгар көрүҥ.

Улуустааҕы библиотека тэрийэр хамыыһыйата.

---

Скачать: «Тимофеев ааҕыылара – 2018» «Амарах сүрэҕим дьикти ырыалара…» диэн улуустааҕы  ырыа күрэҕин балаһыанньата

---

Навигация: Вернуться на главную страницу