Гоголев ааҕыылара – 2018
«Сүүс дьиктини булуоҕум…»
Улуустааҕы уус-уран ааҕыы күрэҕин балаһыанньата
Сыала – соруга:
Улуустааҕы библиотека 2018 сыл балаҕан ыйын 30 күнүгэр 120 сааһын туолар. Библиотека үбүлүөйүн көрсө, саха народнай поэта И.М. Гоголев-Кындыл айымньыларын ааҕааччы киэҥ араҥатыгар сырдатар, поэт аатын үйэтитэр, айымньылаах үлэҕэ уһуйар сыаллаах «Гоголев ааҕыылара – 2018» чэрчитинэн «Сүүс дьиктини булуоҕум…» диэн ааттаах уус-уран ааҕыы күрэҕин ыытар.
Кыттыы темата, усулуобуйата:
Иван Гоголев-Кындыл хоһоонунан айымньыларын уус-уран ааҕыы.
- 5–8 кылаас үөрэнээччилэрэ биирдиилээн;
- 9–11 кылаас үөрэнээччилэрэ биирдиилээн;
- сааһынан хааччаҕа суох улахан дьон биирдиилээн;
Ыытыллар сирэ уонна бириэмэтэ:
Бүлүү куоратыгар 2018 сыл кулун тутар ый 22 күнүгэр сарсыарда 10 чаастан «Алгыс» сынньалаҥ киинигэр ыытыллар.
Хас биирдии кыттааччы 100 солкуобай кээмэйдээх усунуос төлүүр.
Сыаналыыр кэриҥнэрэ:
- айымньы ис хоһоонун истээччигэ тиэрдиитэ;
- уус-уран ааҕыыны толоруу маастарыстыбата (дикцията, куолас эгэлгэтэ, толоруу иэйиитэ);
- сценическай культура;
- музыканан, искусство атын көрүҥүнэн доҕуһуол, саҥа технологияны туһаныы;
- хоһоон тексин көрөн туран ааҕыы көҥүллэммэт, сыана турбат.
Наҕараадалааһын:
Кыайыылаахтарга дьүүллүүр сүбэ быһаарыытынан 1,2,3 миэстэ ананар, биһирэбил бириистэр туттарыллаллар. Дьүүллүүр сүбэ быһаарыыта бүтэһиктээх.
Дьүүллүүр сүбэ быһаарыытынан кыайыылаахтарга номинация ананар. Кыттааччыларга барыларыгар сертификат бэриллэр, салайааччыларга – бэлэмнээбит дьоно миэстэлэстэлэстэҕинэ.
Толорооччу аата, оскуолата, кылааһа, төрөөбүт сыла, тугу үлэлиирэ, хантан сылдьара, салайааччытын аата, паспорын даннайа, айымньы текстэ чопчу суруллубут сайаапкаларгытын, маннык аадырыска бу дьыл кулун тутар 21 күнүгэр дылы күүтэбит.
Бүлүү к., Мир уул., 11, Киин библиотека. Билсэр телефоннаргыт 42745, 43668-факс.
Айымньылаах үлэни баҕарабыт!
Улуустааҕы библиотека
Скачать: Гоголев ааҕыылара-2018 «Сүүс дьиктини булуоҕум…» диэн улуустааҕы күрэх балаһыанньата
Навигация: Вернуться на главную страницу
