Тохсунньу 2 күнүгэр Оҕо библиотекатыгар Аан дойдутааҕы доруобуйаларынан хааччахтаах дьоҥҥо аналлаах декада чэрчитинэн «ДОБРАЯ РОМАШКА» тэрээһин буолан ааста. Литературно-творческай биэчэр тутула быйылгы сылга үбүлүөйдээх суруйааччылар айымньыларын дьоруойдарын сыһыары тутан, бэрт көрдөөх, истиҥ тэрээһин оҕолору, ыалдьыттары сэргэхситтэ.
admin
«Үрүҥ Уус анабыл хомустара» кинигэ сүрэхтэниитэ
Дьокуускайга Национальнай библиотека историческай саалыгар, 2022 сыл сэтинньи 26 күнүгэр, Саха биллиилээх виртуоз хомусчута Спиридон Спиридонович Шишигин хомуйан оҥорбут «Үрүҥ Уус анабыл хомустара» – Бүлүү улууһун Хампа нэһилиэгин хомус ууһун Иван Кононович Колодезников – Үрүҥ Уус сырдык кэриэһигэр анаммыт кинигэтин сүрэхтэниитэ буолан ааста…
“Кыым” хаһыат эрэдээксийэтиниин көрсүһүүгэ ыҥырабыт
Ахсынньы 1 күнүгэр 10:00 чаастан И.М. Гоголев-Кындыл аатынан Бүлүү улууһун киин бибилэтиэкэтигэр “Кыым” хаһыат эрэдээксийэтин үлэһиттэрэ Бүлүү куорат олохтоохторун кытта атах тэпсэн олорон ирэ-хоро кэпсэтэргэ ыҥыраллар.
Хаһыат үлэһиттэрэ: сүрүн эрэдээктэр Иван Гаврильев, кэрэспэдьиэннэр Туйаара Сергеева-Сиккиэр, Оксана Жиркова, эппиэттиир сэкирэтээр Мария Санникова – нэһилиэнньэни долгутар ыйытыыларга хоруйдуохтара, хаһыат үлэтин-хамнаһын туһунан кэпсиэхтэрэ. “Кыым” хаһыат эрэдээксийэтэ.
Хомус дьикти тылынан
Убаастабыллаах Бүлүү куорат олохтоохторо уонна ыалдьыттара, Саха Сирин үрдүнэн бэлиэтэнэр Хомус күнүн тэрээһинигэр кыттарга ыҥырабыт. Бу күн Саха Республикатын культураты туйгуна Марфа Спиридоновна Васильева, хомуска тардарга үөрэниэн баҕалаахтарга маастар-кылаас ыытар, алгыс тылын бэлэхтиир (хомускутун илдьэ кэлэҕит). Хомус туһунан иһирэх хоһооннору истиэххит, кинигэлэри көрүөххүт. Буолар сирэ, бириэмэтэ: Киин библиотека, сэтинньи ый 30 күнэ, күнүс 15.00 чаастан. Кэлиҥ, сэргээҥ,үөрэниҥ!
«…Саханы үрдэтиэ олоҥхо…»
Көмүлүөк оһох иннигэр олоҥхолоон оҕонньор оллоонноон олорон, Аан Ийэ дайды айыллыытын ыллаан-туойан бардаҕына, Саха киһитэ күннээҕи түбүгүн умнан, сылайбытын аһарынан, кулгаах иччитэ буолан, нохтолоох сүрэҕэ долгуйан ылара, «Ноо!» диэн сэнээрбитин биллэрэрэ эбитэ үһү… Бүлүү улууһа ОЛОҤХО биир уутуйан үөскээбит түөлбэтинэн буолар, улуу олоҥхоһуттарынан киэҥник биллэр. Сиһилии ⇒ https://librvil.ru/olonkho-vil
Дарим тепло души
Баппаҕаайыга «Олоҥхо дьыктаана» аахсыйа ыытылынна
Бүгүн, сэтинньи 23 күнүгэр РФ норуоттарын култуурунай нэһилиэстибэлэрин Сылын, Олоҥхо национальнай күнүгэр аналлаах Өрөспүүбүлүкэтээҕи Декада чэрчилэринэн, Саха АССР төрүттэммитэ 100 сылынан, Ийэ тыл барҕа баайын иҥэриммит олоҥхо тылын-өһүн таба суруйар үөрүйэҕи олохсутар-иҥэрэр, киэҥ араҥаҕа билиһиннэрэр сыаллаах, «Олоҥхо дьыктаана» аахсыйаны, «Алаһа» сынньалаҥ киинигэр, олохтоох бибилэтиэкэ тэрийэн ыытта.