Бороҕон нэһилиэгин “Чэмэли” ийэлэр түмсүүлэрэ Кыадаҥда нэһилиэгэр ыалдьыттаата…
Аҕа дойдуну көмүскээччнлэр күннэригэр анаан, оскуола оҕолоругар, сахалартан бастакы снайпер Д. А. Гуляевка аналлаах тэрээһин буолан ааста.
П.С. Колтовской «Эр киһи сүрэҕэ» кинигэтин сүрэхтэниитэ…
Бороҕон нэһилиэгин “Чэмэли” ийэлэр түмсүүлэрэ Кыадаҥда нэһилиэгэр ыалдьыттаата…
Олунньу 17 күнүгэр Бүлүү улууһун Бороҕон нэһилиэгин “Чэмэли” ийэлэр түмсүүлэрэ, модельнай библиотека библиотекара Саргылана Петровна Каратаева салайааччылаах, инники кэскилбит туһугар туруулаһар, чөл туруктаах дьиэ кэргэн элбиирин ситиһэр, иллэҥ кэми туһалаахтык, көдьүүстээхтик тэрийиини көҕүлүүр сыаллаах-соруктаах, Кыадаҥда бөһүөлэгин эдэр ийэлэрин “Арылы” түмсүү — салайааччы Мария Николаевна Плешкова, Кыадаҥда модельнай библиотекатын библиотекара Феодора Александровна Игнатьеваны кытта көрсүһүү буолан ааста.
Ийэлэр араас оҥоһукка мастер-класс көрдөрдулэр.
Кыадаҥда модельнай библиотека библиотекара Феодора Александровна кумаахыттан өрөн сибэкки иһитин оҥорорго үөрэттэ, биһигиттэн Николаева Екатерина Сергеевна Бороҕоннооҕу оҕо уһуйаанын иитээччитэ тестопластиканнан оҥоһук оҥорон көрдөрдө.
Анна Никифоровна Быканова бэйэтин оҥоһуктарын көрдөрөн сөҕууну- махтайыыны ылла.
Салгыы интеллектуальнай оонньуулар, блиц — вопростарга эппиэттээһин, төгүрүк остуол тула санаа үллэстиитэ буолла.
Бороҕонтон төрүттээх Саха народнай суруйааччыта М.Е. Тимофеев айар үлэтин, олоҕун туһунан сырдаттыбыт. Гавриил Иосифович Чиряев музейыгар сырыттыбыт, музей үлэһитэ Мария Николаевна Гавриил Иосифович туһунан билиһиннэрдэ уонна көрдөрдө. Музейга сылдьан Г.И. Чиряев туһунан элбэҕи билэн, сэргээн, уопут атастаһан астынан кэллибит.
Кыадаҥда ийэлэрин түмсүүтүгэр элбэх ситиһиилэри баҕарабыт уонна сибээспитин быспакка инникитин да билсэ-көрсө туруохпут диэн баҕа санаалаахпыт.
Каратаева С. П. , Бороҕон модельнай библиотекатын библиотекара
Аҕа дойдуну көмүскээччнлэр күннэригэр анаан, оскуола оҕолоругар, сахалартан бастакы снайпер Д. А. Гуляевка аналлаах тэрээһин буолан ааста
Биир дойдулаахпыт, саха норуодунай поэта, прозаик, тылбаасчыт П.А.Ойуунускай аатьшан Государственнай бириэмийэ лауреата, САССР культууратын үтүөлээх улэһитэ, Саха Республикатын «Өрөгөйүн ырыатын» ааптардарыттан бнирдэстэрэ, үлэ, тыыл бэтэрээнэ Михаил Елисеевич Тимофеев биир ураты, 1971 с. тахсыбыт «Бастакы снайпер» днэн айымньытынан Д. А. Гуляевка аналлаах викторина ыыттыбыт.
Снайпер туһунан үчүгэй билиилэрин көрдөрдүлэр ахсыс кылаас уолаттара — Тимофей Александров, Ньургун Алексеев, Богдан Мальцев.
Ону тэҥэ оҕолор снайпер Гуляев туһунан слайд — презентация көрөн сэргээтилэр, билиилэрэ өссө хаҥаата. Тэрээһин, саха хорсун — хоодуот уола, албан ааттаах бастакы снайпер Дмитрий Гуляев курдук, хорсун — хоодуот уолаттары иитэн таһаарыыга олук буолуо диэн эрэнэбит. Дмитрий Алексеевич чаҕылхай олоҕо куруук умнуллубакка эдэр ыччакка холобур буола туруоҕа, кини сырдык аата уйэлэргэ умнуллуо суоҕа!
П.С. Колтовской «Эр киһи сүрэҕэ» кинигэтин сүрэхтэниитэ…
Ахсынньы 26 кунугэр Бороҕон нэьилиэгин бочуоттаах олохтооҕо, кэпсээнньит, сэһэнньит, Бороҕон нэһилиэгин дьонун-сэргэтин төрдүн-ууһун ырытан, үһүйээннэри, остуоруйалары мунньан, хомуйан бэчээттэппит, 11 кинигэ ааптара Прокопий Степанович. Колтовской «Эр киһи сурэҕэ» кинигэтин сурэхтэниитэ буолан ааста.
Ытык кырдьаҕаспыт, 2018 сыл от ыйын 4 кунугэр 80 сааһын туолуутугар кинигэтэ тахсыбыта өссө икки бүк үөрүүлээх, үүнэр көлүөнэ ыччакка, олохтоохторго күндү бэлэх.
Бу күн үөрүүтүн үллэстэ кэллилэр, Бүлүү куорат краеведческай салаатын кылаабынай бибилэтиэкэрэ Матрена Петровна Дмитриева, олохтоох администрацияттан Александр Фанисович уонна автор сүдү талааныгар сүгүрүйээччи ааҕааччылара, аймахтара. Кинигэ ис хоһоонун ырыттылар, эҕэрдэ тылларын этиллэр, сэмэй бэлэхтэрин туттардылар.
Кинигэ 5000 ахсаанынан «Бичик» национальнай кинигэ кыһатыгар бэчэттэнэн тахсыбыт. Айымньыга былыргы, XIX үйэтинээҕи олох кэпсэнэр. Бу сэргэх сэһэн үгүс ааҕааччы сэҥээриитин ылара саарбаҕа суох.
Ытыктыыр, убаастыыр суруйааччыбыт — доруобай буоллун диэн, айар кута аһыллан өссө да биһиэхэ айымньыларынан сөхтөрүө диэн эрэнэ хааллыбыт.
Навигация: Вернуться на главную страницу
