Бүлүү куоратын ытык-мааны олохтоохторо уонна ыалдьыттара! Ахсынньы 12 күнүгэр киэһэ 17 чаастан Саха АССР норудунай поэта, Саха Республикатын искусстволарын үтүөлээх деятелэ, Саха комсомолун бириэмийэтин лауреата, СССР суруйааччыларын Сойууһун чилиэнэ И.М. Гоголев-Кындыл төрөөбүтэ 95 сылыгар аналлаах «Айар үлэ үрдүк дьолун бары дьолтон ордоробун» ахтыы киэһэтигэр ыҥырабыт!
БУ КИЭҺЭ:
— Поэт кыыһа Лена Ивановна Гоголева «Любовь и сила рода» диэн үлэлэрин анал быыстапката;
— «Аал уот аттыгар төрөөбүттэрэ мин бары ырыаларым, баҕа санааларым…» кинигэ быыстапката;
— «Кындыл олоҕо уонна айар үлэтэ — хаартыскаларга» хаартысканнан быыстапка:
— «Илбис иэйиим, айар талаан чыпчаала» : литературно-театрализованнай дьүһүйүү.
БУОЛАР СИРЭ:
М. Н. Жирков аатынан култуура дыбарыаһа
Киириитэ босхо!
Үбүлүөйдээх сылын түмүктүүр тэрээһиҥҥэ Дьокуускай куораттан ыалдьыттарбыт: поэт кыыһа, Саха театрын худуоһунньуга Лена Гоголева, театр биллэр — көстөр артыыстара Зоя Багынанова, Елизавета Потапова, филологическай наука доктора Валентина Сивцева кыттыыны ылыахтара.
Киэн туттар биир дойдулаахпыт сүдү талааныгар сүгүрүйэн туран, кэлэн көрүҥ истиҥ, ийэ тыл күүһүн иҥэринэн үүнүҥ-үрдээҥ!
Бүлүү улууһун киин бибилэтиэкэтэ
