Бүлүүтээҕи оройуоннай оҕо библиотекатыгар, алтынньы 9 күнүгэр, Аан дойдутааҕы кыыс оҕо күнүн көрсө, Бүтүн Россиятааҕы ааҕыы күнүгэр түбэһиннэрэн доруобуйаларынан хааччахтаах оҕолорго аналлаах «Кыыс оҕоннон айхаллан» диэн сэргэх тэрээһин буолан ааста.
Вилена Томская маастар кылааһыгар сибэкки курдук симэммит кэрэчээн кыргыттар ийэлэрин кытта кэрэ сибэккини илиилэрин сылаас иминэн оҥорон олуһун астына үөрдүлэр.
Саамай долгутуулаах түгэни бэлэх ууннулар ыҥырыылаах ыалдьыттар Машенька уонна эһэ. Оҕолор Машеньканы кытта биир тэҥҥэ көрдөөх үҥкүүнү толороннор олуһун дуоһуйдулар. Эһэ кыргыттары бырааһынньыктарынан истиҥник эҕэрдэлээн туран минньигэһинэн күндүлээтэ, шаригы бэлэх уунна.
Тэрээһинтэн кэрэ, үтүө өйдөбүнньүк буолар түгэннэрин хаартыскаҕа түһэртээтэ Дана Махарова.
Силигин ситэрэн оҕолорго көрдөөх оонньууну ыытта Оҕо библиотекатын библиограба Мария Егорова.
Бу тэрээһин Надежда Ылахова аатынан «Алгыс» НКК уонна «Аленушка» оҕону сайыннарар киин кыттыгас проектора буолар.
Кэрэ бырааһынньыгы иилээн-саҕалаан ыытта «Аленушка» оҕону сайыннарар киин иитээччитэ Любовь Софронеева.
Тэрээһин уопсай хаартыскаҕа түһүүлэринэн түмүктэннэ.
Оҕо үөрбүт мичээриттэн, оҕо күлэр саҥатыттан ордук туох кэлиэй?
М. Е. Егорова, Бүлүүтээҕи оройуоннай Оҕо библиотекатын библиограба
∗ 11 октября отмечается Международный день девочек, который был провозглашен Генеральной Ассамблеей ООН в декабре 2011 года (резолюция 66/170) в знак признания прав девочек.
∗ В оформлении заставки страницы использован рисунок якутского художника – иллюстратора Веры Филипповны Ноевой.
