Оҕо суруйааччыта, поэт, тылбаасчыт Константин Николаевич Дьячковскай-Туйаарыскай төрөөбүтэ 110 сылыгар аналлаах «Тыллаах чыычаах» диэн уһуйаан иитиллээччилэригэр уус-уран ааҕыы күрэҕэ ыытылынна. Күрэхпит кырачаан кыттааччылара Туйаарыскай хоһооннорун истээччини кэрэхсэтэрдии, иэйиилээхтик аахтылар, күрэххэ бэлэмнэрин көрдөрдүлэр.
«Саха тыллаах билинэр суруйааччыта буолуу туһааннаах киһиттэн олус элбэҕи эрэйэр. Оннук норуот тэҥинэн билинэр дьолугар тиксибит киһинэн оҕо поэта, тылбаасчыта Константин Туйаарыскай буолар»
Сэмэн Тумат, саха норуодунай суруйааччыта.
Дьячковскай Константин Николаевич — Туйаарыскай (03.06.1915—20.03.1976) — быйыл төрөөбүтэ 110 үбүлүөйдээх сылыгар Бүлүүтээҕи оройуоннай оҕо библиотеката 4-5 саастаах уһуйаан иитиллээччилэригэр ыам ыйын 13 күнүгэр уус-уран ааҕыы күрэҕин тэрийэн ыытта.
Константин Туйаарыскай оҕолорго анаан суруйбут бэйиэт, суруналыыс, Саха АССР култууратын үтүөлээх үлэһитэ. 1957 сыллаахтан ССРС Суруйааччыларын Сойууһун чилиэнэ.
Кини оҕо аймахха анаан суруйбут хоһоонноругар элбэх көлүөнэ ыччат сүрэхтиин-быардыын, өйдүүн-санаалыын сырдаан, истиҥ-эйэҕэс сыһыаны иҥэринэн үүнэн тахсыбыта ол чахчы. Ол курдук, күрэхпит кырачаан кыттааччылара Туйаарыскай хоһооннорун олус үчүгэйдик аахтылар. Дьүүллүүр сүбэ үрдүк сыанабылын ылан 1, 2, 3 үрдэл кыайылаахтарынан буоллулар:
1 үрдэл — Чабыева Альбина, МБДОУ ЦРР д/с «Куобахчаан»;
Иванов Ильдар, МБДОУ ЦРР д/с «Чуораанчык»2 үрдэл — Габышева Ариела, МБДОУ ЦРР д/с «Чуораанчык»;
Иванов Ярослав, МБДОБУ ЦРР д/с «Веселые нотки»3 үрдэл — Осипова Мия, МБДОУ ЦРР д/с «Чуораанчык»;
Типанова Сайаана, МБДОУ д/с «Сардаана»
Ыҥырыыбытын ылынан дьүүллүүр сүбэҕэ кэлэн үлэлээбит П. Х. Староватов аатынан Бүлүүтээҕи кыраайы үөрэтэр музей методиһыгар Екатерина Дмитриевна Абрамоваҕа, оҕо библиотекатын үлэһиттэрин аатыттан барҕа махталбытын тиэрдэбит.
Кыттыыны ылбыт бары уһуйаан иитээччилэригэр, уус-уран ааҕыы күрэҕэр оҕолоргутун үрдүк таһымнаахтык бэлэмнээн, күрэхпитин талааннаах хоһоон ааҕааччыларынан толорбуккутугар махтанабыт, инникитин иитэр үлэҕитигэр өссө да үрдүк ситиһиилэри баҕарабыт.
Бүлүүтээҕи оройуоннай оҕо бибилэтиэкэтэ
