«И. М. Гоголев-Кындыл аатынан Булуутээҕи нэһилиэктэр икки ардыларынааҕы кииннэммит библиотека ситимэ» уонна Н. И. Ылахова аатынан «Алгыс» национальнай-култуурунай киин үлэһиттэрэ Улуу Кыайыы 80 сылыгар аналлаах, хаһыат, кинигэ чахчыларыгар тирэҕирбит «ЭЙЭЛЭЭХ ОЛОХ ТУһУГАР!» диэн литературнай-музыкальнай дьүһүйүүнү көрдөрдүлэр.
«ЭЙЭЛЭЭХ ОЛОХ ТУһУГАР!» литературнай-музыкальнай дьүһүйүү, ыам ыйын 5 күнүгэр «Библионочь – 2025» Бүтүн Арассыыйатааҕы акция чэрчитинэн туруорулунна.
Булуу дьоно кырдьаҕастыын, эдэрдиин, советскай норуоту кытта бииргэ, ытых сэриигэ туруммута. Эр дьон илиилэригэр саа-саадах тутан, Ийэ дойдуларын көмускээбиттэрэ. Үгүстэр эйэлээх олох көмускэлигэр сырдык тыыннарын биэрбиттэрэ, дойдуларыгар, дьонноругар эргиллибэтэхтэрэ. Тыылга күүрээннээх үлэ күөстүү оргуйбута.
Бу маны кэрэһэлиир биэс көстүүлээх постановка, Аҕа дойду Улуу сэриитин 1941–1945 сылларынааҕы Бүлүү улууһун «Колхоз суола» хаһыат матырыйаалларыгар олоҕуран сурулунна.
Туруорааччы режиссер Бүлүүтээҕи оҕо библиотекатын кылаабынай бибилэтиэкэрэ Владилена Софронова.
Дьүһүйүүгэ улуус киин, оҕо уонна ыччат бибилэтиэкэлэрин үлэһиттэрэ бары, ону тэҥэ «Алгыс» сынньалаҥ киинин үлэһиттэрэ кытыннылар.
Сэрии кэминээҕи хаһыат чахчылара уонна кыттааччылар оруолларын итэҕэтиилээхтик арыйыылара көрөөччүнү долгутта, уйадытта, кэрэхсэттэ.
Источник видео: Официальный телеграм-канал администрации МР «Вилюйский улус (район)»
