Тохсунньу 23 күнүгэр, Бүлүүтээҕи киин библиотекаҕа, биир дойдулаахпыт, саха народнай поэта Иван Гоголев-Кындыл лирикатын сүгүрүйээччилэригэр анаан «Кындыл Уйбаан кыталыктаах кырдалыгар» диэн хоһоон, ырыа музыкальнай салона тэрилиннэ.
Бу литературнай көрсүһүүну Софья Мартыновна Саввинова, Н. Г. Чернышевскай аатынан профессиональнай-педагогическай колледж «Иэйии» уус-уран түмсүүтүн салайааччыта иилээн-саҕалаан ыытта.
Түмсүү кыттыылаахтара Кындыл хоһооннорун доргуччу ааҕан, ыллаан-туойан иһирэх иэйиини көрөөччүлэргэ бэлэхтээтилэр.
Мустубут дьону Иван Михайлович ураты тыына уйадыта умсугутта, дууһа кылын таарыйан уйулҕаларын уһугуннарда.
А. А. Степанова, Бүлүүтээҕи кииннэммит модельнай бибилэтиэкэ ааҕааччыны кытта үлэлиир отделын сүрүннүүр бибилэтиэкэрэ
∗ Киин библиотека үлэһиттэрэ А. А. Степанова, С. В. Ноятова хаартыскаҕа түһэриилэрэ