Ахсынньы 19 күнүгэр сарсыарда 10:00 чаастан киин библиотекаҕа Саха Өрөспүүбүлүкэтин культуратын туйгуна, үлэ бэтэрээнэ, Антонида Иннокентьевна Николаева саҥа таһаарбыт «Санаам сэргэтэ» кинигэтин сүрэхтэниитигэр ыҥырабыт.
Ааптар саҥа кинигэтигэр төрөөбүт дойдутун, тус бэйэтин олоҕун, өр сыллаах үлэтин умнуллубат өйдөбүллэрин уустаан-ураннаан сурукка тиспит.
Бу күн айар, суруйар үлэни аргыс оҥостубут ыалдьыппыт олоҕун сэргэх сэһэнин Дьокуускайтан, Ньурбаттан, Үөһээ-Бүлүүттэн, Бүлүүттэн кыттар чугас дьоно-сэргэтэ, бииргэ алтыспыт доҕотторо ситэрэн биэриэхтэрэ.
Көрсүһүүнү ылбаҕай ырыа, хомоҕой хоһоон киэргэтиэ.
Кэлэн сэргээн истиҥ, кэпсэтиигэ кыттыһыҥ.
Киин библиотека
Назад
Далее
