Сэтинньи 5 күнүгэр Чернышевскайдааҕы П. П.Николаев аатынан «Кыталык» норуот айымньытын дьиэтигэр норуот сомоҕолоһуутун күнүгэр уонна Бүлүү улууһугар Степан Максимович Аржаков сылыгар аналлаах «Мы вместе, мы едины» диэн билиини тургутар оонньуу буолла.
Бу оонньууга нэһилиэк тэрилтэлэриттэн 4-түү киһилээх 6 хамаанда – С. М. Васильев аатынан орто оскуола, «Сулусчаан» дьааһыла сад, баһаарынай чаас, ЖКХ, Бүлүүтээҕи оҕо искусство оскуолатын филиала, олохтоох дьаһалта буолан, араас омук таңаһын таңнан, олус үчүгэйдик тэринэн кэлэн кытыннылар.
Оонньуу 4 түһүмэҕинэн ыытылынна. Биир түһүмэх биир дойдулаахпыт, Саха Өрөспүүбүлүкэтин автономиятын төрүттээччилэриттэн биирдэстэрэ С. М. Аржаковка ананна.
Оонньуу түмүгүнэн:
1 миэстэ – Чернышевскайдааҕы С. М. Васильев аатынан орто оскуола;
2 миэстэ – Оҕо искусствотын оскуолата;
3 миэстэ – олохтоох дьаһалта хамаандалара буоллулар.
Оонньууну олохтоох библиотека кылаабынай библиотекара Корякина Любовь Прокопьевна салайан ыытта.
Кэлэн кыттыбыт хамаандаларга махталбытын биллэрэбит, куруук маннык көхтөөх буоларгытыгар баҕарабыт.
Л. П. Корякина, Чернышевскай нэһилиэгин модельнай библиотекатын кылаабынай библиотекара