Елена Протопопова «Олох умсулҕаныгар уйдаран»

Алтынньы 11 күнүгэр, Олоҥхо дьиэтигэр, хомоҕой тыллаах хоһоонньут Елена Протопопова-Иэлли «Олох умсулҕаныгар уйдаран» диэн саҥа кинигэтин билиһиннэриитэ буолан ааста. Тэрээһини ыыттылар И. М. Гоголев-Кындыл аатынан Бүлүүтээҕи киин бибилэтиэкэ уонна Н. И.  Ылахова аатынан «Алгыс» национальнай-культурнай киинэ.

«Олох умсулҕаныгар уйдаран»

Аҕам саастаах дьон декадатын чэрчитинэн алтынньы 11 күнүгэр айыл5аттан талааннаах, ураты көрүүлээх, айар куттаах Далбар Хотун Елена Протопопова — Иэлли «Олох умсулҕаныгар уйдаран» диэн сайаҕас санааларын сааһылаан суруйбут саҥа кинигэтин билиһиннэрэр дьоро күнэ буолан ааста.

Елена Протопопова аан бастакы хоһооннорун хомуурунньуга 2012 сыллаахха тапталлаах кэргэнигэр анаан «Не угаснет костер любви», «Дьылҕам дьикти дьөрбөтө» (2013 с.), «Ыар дьыллар ытарчаларыттан» (2018 с.), «Искорки любви» (2020 с.), «Айыы тыыннаах бэс чагдаҕа» (2020 с.) дьоҕус кинигэлэрэ күн сирин көрбүттэрэ.

Тапталлаах куораппыт 390 сылыгар саҥа кинигэ олохтоохторго, биһиэхэ, кэрэ бэлэх буолан таҕыста. Бүлүүтээҕи И.М.Гоголев-Кындыл аатынан норуодунай театр артыыстара, режиссер М.А.Соколова, Елена Протопопова хоһооннорун мустубут дьоҥҥо хомоҕой тылынан, уус-ураннык ааҕан иһитиннэрдилэр.

Саҥа кинигэ тула сэргэх кэпсэтиини И.М.Гоголев-Кындыл аатынан Бүлүүтээҕи кииннэммит библиотечнай ситим, кыраайы үөрэтэр тутаах библиотекара Луиза Кононова иилээн ыытта.

Бу киэһэ кинигэ ааптарыгар Елена Протопоповаҕа элбэх эҕэрдэ тыллар этилиннилэр.


Источник:  «Олох умсулҕаныгар уйдаран». – Текст : электронный // Национально-культурный центр «Алгыс» им. Н.И. Ылаховой : [сайт]. – URL: https://vilalgis.ru/presentasia-knugu / (дата обращения: 15.10.24)


* Фотографии: А.А. Степанова, вед. библиотекарь КОО улусной центральной модельной библиотеки.

Оставить комментарий

Наш сайт использует файлы cookies, чтобы улучшить работу и повысить эффективность сайта. Продолжая работу с сайтом, вы соглашаетесь с использованием нами cookies и политикой конфиденциальности.

Принять
Обратная связь