Уран тыл кэрэтигэр умсугуйар эрэллээх ааҕааччыларбытын, айар куттаах үтүө доҕотторбутун балаҕан ыйын 5 күнүгэр күнүс 14.00 чаастан Киин библиотекаҕа поэзия тула истиҥ көрсүһүүгэ ыҥырабыт.
Бу күн биһиэхэ ыалдьыттыыллар Сахабыт сирин суруйааччылара, биллэр ааптардар: суруналыыс, поэт, публицист, Иван Николаев-Уйбаан Уххан, Нам улууһуттан Арассыыйа суруналыыстарын уонна Саха сирин суруйааччыларын сойуустарын чилиэнэ Анатолий Софронов-Онтуон, Уус Алдантан Саха сирин суруйааччыларын уонна мелодистарын сойуустарын чилиэнэ Василий Пестряков-Курбуһах Уола, Тааттаттан Саха сирин суруйааччыларын сойууһун чилиэнэ Валентина Пинигина-Арылы, Хаҥаластан Саха сирин суруйааччыларын сойууһун чилиэнэ Татьяна Петрова-Мойуу Кыыһа, Үөһээ Бүлүүттэн Валерий Никифоров-Суор Уола.
Көрсүһүү үөрүүлээх чааһыгар биир дойдулаахпыт, саха суруйааччыта Константин Харлампьев «Эһиэхэ эрэ анаан» диэн саҥа кинигэтэ сүрэхтэниэ.
Кэлиҥ, сэргээҥ, поэзия күһүҥҥү ураты иэйиитигэр долгуйа куустарыҥ.
Бүлүүтээҕи киин библиотека