«Хомсомуол – өрүү мин төлөннөөх сүрэхпэр…»

Өкүндү бибилэтиэкэтигэр Сомоҕолоһуу күнүгэр, Хомсомуол 105 сааһыгар анаан «Хомсомуол — өрүү мин төлөннөөх сүрэхпэр» диэн сынньалаҥ киэһэ буолла. Хомсомуол кэминээҕи хоһооннор, ырыалар толорулуннулар, биктэриинэ, араас күрэхтэр оонньоннулар, кинигэ быыстапката турда.


Кэлбит ыалдьыттарбыт икки хамаандаҕа арахсан комсомольскай ырыалартан, лозуннартан, историяттан, киинэттэн төһө билэллэрин сэттэ түһүмэҕинэн тургутан көрдүлэр. Оччотооҕу кэми ахтан — санаан аастыбыт.

Уонна бу күн С.Р.Кулачиков-Эллэй «Үс ыстыык үөһүгэр» хоһоонун аһаҕас куйаар нөҥүө дорҕоонноохтук уус-уран ааҕыы күрэххэ кыттыбыт дьон түмүктэрэ тахсан, кыайыылаахтар наҕараадаланнылар. Үс бастыҥнарынан ааттаннылар:

1 миэстэКонстантинова Любовь Петровна, Өкүндү нэһилиэгэ;
2 миэстэ Левина Екатерина Петровна, Дьокуускай куорат;
3 миэстэНиколаева Анастасия Никифоровна, Дьокуускай куорат.

Онтон атыттар туоһу суругу туттулар.

Сынньалаҥ киэһэтэ комсомольскай ырыаны бары бииргэ толорооһунунан, хаартыскаҕа түһүүнэн түмүктэннэ.

Кыайыылаахтарга эҕэрдэ, кыттыбыттарга махтал.

Өкүндү нэһилиэгин бибилэтиэкэрэ
Саргылана Петрова

Оставить комментарий

Наш сайт использует файлы cookies, чтобы улучшить работу и повысить эффективность сайта. Продолжая работу с сайтом, вы соглашаетесь с использованием нами cookies и политикой конфиденциальности.

Принять
Обратная связь