I Күүлэт сонуннара

Убаастабыллаах ааҕааччылар! Бүлүү улууһун бастакы Күүлэт нэһилиэгин бибилэтиэкэтигэр «Библионочь-2023» тэрээһин уонна «1 Күүлэт – мин дойдум» диэн саҥа кинигэ сүрэхтэниитин туһунан кэпсиир сонуну киирэн ааҕаргытыгар, сэргииргитигэр ыҥырабыт…


«Библионочь-2023»

Ыам ыйын 29 күнүгэр 1 Күүлэттээҕи модельнай библиотекаҕа, Бүтүн Россиятааҕы «Библионочь-2023» тэрээһин буолан ааста. Ааҕааччылар бастаан «Из истории происхождения библиотек» кылгас видеоролик көрдүлэр, онтон 2 командаҕа арахсан «Все о библиотеке и книге» диэн викторина оонньоотулар. Маны таһынан ааҕааччыларга анаан араас кинигэ выставкалара турдулар, түмүккэ кинигэ быһыылаах минньигэс торт сиэтилэр.


«1 Күүлэт – мин дойдум»: кинигэ сүрэхтэниитэ

Бэс ыйын 5 күнүгэр «Тэтим» СК, П.А. Павлов аатынан орто оскуола учууталлара Федорова Мария Яковлевна уонна Гуляева Тамара Прокопьевна оскуола иһинэн кыраайы уонна айылҕаны харыстааһын бырайыак чэрчитинэн, оскуола үөрэнээччилэрэ төрөөбүт нэһилиэкпит кэрэ айылҕатын чинчийбит, үөрэппит үлэлэриттэн уонна ахтыылартан хомуллубут «1 Күүлэт – мин дойдум» диэн саҥа кинигэ сүрэхтэниитэ буолан ааста.

Тэрээһини иилээн-саҕалаан ыытта 1 Күүлэттээҕи модельнай библиотека библиотекара Афанасьева Сардаана Иннокентьевна.

Маны таһынан, араас сылларга үөрэммит оҕолор үлэлээбит үлэлэрэ, хомуйбут гербарийдара, уруһуйдара, хаартысканан фотостенд выставкаҕа турда. Дьон-сэргэ сүрдээҕин сэргээн көрдүлэр, сорохтор урукку бэйэлэрин үлэлэрин көрөн үөрдүлэр-көттүлэр. Сүрдээх үчүгэй, истиҥ тэрээһин буолан ааста.

С.И. Афанасьева, 1 Күүлэттээҕи модельнай бибилэтиэкэ  кыл. бибилэтиэкэрэ

Оставить комментарий

Наш сайт использует файлы cookies, чтобы улучшить работу и повысить эффективность сайта. Продолжая работу с сайтом, вы соглашаетесь с использованием нами cookies и политикой конфиденциальности.

Принять
Обратная связь