Бүгүн, кулун тутар ый 10 күнүгэр Н.И. Ылахова аатынан сынньалаҥ киин уонна Бүлүүтээҕи оройуоннай оҕо библиотеката «Күн ийэҕэ, сандал сааска» диэн уус-уран ааҕыы күрэҕин, уһуйаан иитиллээччилэригэр, оҕо библиотекатын саалатыгар тэрийэн ыыттылар…
Томороон тымныылаах Сахабыт сиригэр өр күүппүт, айылҕабыт биир саамай кэрэ кэмэ – сандал сааспыт тиийэн кэллэ!
Күндүл күммүт күүскэ тыган, сылааһынан сыдьаайан, мичилийэ мичээрдээн, күммүт уһаан, таһырдьа чыычаах ырыата, көтөр-сүүрэр үксээн, оҕо-аймах саҥата эйээрэрэ дэлэйдэ.
Хас биирдиибит бу орто дойдуга чугастан-чугас киhибитигэр — ийэҕэ сүгүрүйэн уонна сандал сааска аналлаах хоһооннору, оҕолор ис турук ылынан, үөрэтэн уус-ураннык ааҕан, дьоһуннаахтык кытыннылар.
Бу күрэххэ кыайыы өрөгөйүн ситистилэр:
1 миэстэ – Томская Асель, «Чуораанчык» оҕону сайыннарар киин;
2 миэстэ – Мандарова Сахаайа, «Сардаана» уһуйаан;
3 миэстэ – Никитина Нарияна, Е.А. Степанова аатынан оскуола иннинээҕи саастаах оҕолору иитэр-үөрэтэр уһуйаан.
Дьүүллүүр сүбэ быһаарыытынан икки оҕоҕо «Кэскиллээх ааҕааччы» диэн анал бириис туттарылынна:
Старостина-Дранаева Ленаҕа уонна Петров Леваҕа, «Чуораанчык» оҕону сайыннарар киин иитиллээччилэригэр.
Сандал сааспыт салаллан кэлбитинэн, сырдык күммүт чаҕылыччы тыкпытынан бары кыттааччыларбытын, иитээччилэри итиитик — истиҥник эҕэрдэлиибит! Куруук үөрэ-көтө, мичилийэ сылдьыҥ! Көрсүөххэ диэри!
Бүлүүтээҕи оройуоннай оҕо библиотеката