Олунньу ый 28 уонна кулун тутар ый 1 күннэригэр, Бүлүү куоратыгар, И. М. Гоголев-Кындыл аатынан Бүлүүтээҕи кииннэммит бибилэтиэкэҕэ, түөрт улуус: Сунтаар, Ньурба, Үөһээ-Бүлүү, Бүлүү бибилэтиэкэтин дириэктэрдэригэр, бибилэтиэкэрдэригэр аналлаах, «Профессиональные компетенции: современные траектории» диэн олус үчүгэй семинар буолан ааста.
Ыҥырыылаах ыалдьыттарбыт, дьоллоох Дьокуускай куораттан, Национальнай бибилэтиэкэ специалистара кэлэн, бэрт интэриэһинэй семинары ыыттылар. Биһиги бибилэтиэкэ үлэһиттэрэ икки күннээх семинарга сылдьан, олус элбэҕи биллибит-көрдүбүт, үлэбитигэр туһанарбытыгар билии бөҕө ыллыбыт. Араас улуус бибилэтиэкэрдэрин тылларын-өстөрүн истэн, билсиһэн, опыт атастаһан сүрдээҕин үөрдүбүт. Бары үөрэ-көтө үөрэнэн, дириҥ билиини ылан тарҕастыбыт.
Махталбытын тиэрдиэхпитин баҕарабыт, коллегаларбытыгар СР Национальнай библиотекатын специалистарыгар Анисимова Анастасия Михайловнаҕа, научнай-методическай киин кыл. бибилэтиэкэригэр, Павлова Васса Васильевнаҕа, ааҕааччыны кытта үлэлиир комплекснай отдел бибилэтиэкэригэр, Колесов Иннокентий Иннокентьевичка, научнай-методическай киин тутаах технологар, Туварова Анна Степановнаҕа, научнай-методическай киин кыл. бибилэтиэкэригэр, Бүлүүтээҕи киин библиотекабыт директорыгар Харлампьев Николай Николаевичка, бары тэрээһиннэри сүүрэн-көтөн тэрийбит киин библиотека үлэһиттэригэр, бары филиал бибилэтиэкэлэригэр. Маанылаах ыалдьыттарбыт астынан-дуоһуйан барбыттарыттан бары тэҥҥэ үөрдүбүт-көттүбүт.
Биһиги хас биирдии библиотекарь сүрүн сыалбыт-сорукпут: нэһилиэнньэҕэ ааҕар киһини, ааҕааччыны элбэтии, нэһилиэнньэ ааҕарын ситиһии буолар. Үүммүт өрөгөйдөөх үбүлүөйбүт сылынан биир бастакы улахан тэрээһин бүппүтүнэн эҕэрдэлиибит.
Барыгытыгар үөрүүнү-көтүүнү, айымньылаах үлэҕитигэр ситиһиилэри баҕарабыт.
Виталина Григорьева,
«И. М. Гоголев аатынан
Бүлүүтээҕи нэһилиэктэр икки ардыларынааҕы кииннэммит библиотека ситимэ» МХТ,
Тылгыны бибилэтиэкэтин сүрүннүүр бибилэтиэкэрэ
Также можете ознакомиться с другими публикациями по этой теме:
≡ Проходит зональный семинар библиотек вилюйской группы улусов / Национальная библиотека РС(Я). – Текст : электронный // Национальная библиотека Республики Саха (Якутия) : [сайт]. – 2023. – URL: https://new.nlrs.ru/news/9932 (дата обращения: 01.03.2023) ;
≡ Источник: Спиридонова, Саргылана Федотовна. Экскурсия в Вилюйске / Саргылана Спиридонова. – Текст : электронный // Сунтарская районная модельная библиотека им. Л. А. Попова : [сайт]. – 2023. – URL: https://suntarlib.saha.muzkult.ru/news/91686516 (дата обращения: 01.03.2023).