Олунньу 16 күнүгэр, Оройуоннааҕы оҕо бибилэтиэкэтигэр, Төрөөбүт тыл, сурук-бичик күнүн чэрчитинэн бүтүн Арассыыйа үрдүнэн «Учуутал уонна уһуйааччы» сылынан «САХАЛЫЫ САҤАНЫ, ИЙЭ ТЫЛЫ ИҤЭРЭН» диэн Бүлүү куоратын оскуолаларын 6, 7, 8 кылаас үөрэнээччилэрэ кыттыылаах интерактивнай оонньуу буолан ааста.
Тэрээһин Н. Г. Чернышевскай аатынан Бүлүүтээҕи педагогическай колледж учуутал уһуйааччытын, педагогическай наука кандидата Ульяна Федоровна Кондакова тылга аналлаах босуобуйаларын туһанан ыытылынна.
Г. И. Чиряев аатынан 1 №-дээх, Г. С. Донской аатынан 2 №-дээх, Герой Н. С. Степанов аатынан 3 №-дээх оскуолалартан түөртүү оҕолоох хамаандалар күөн көрүстүлэр. Күрэх 6 түһүмэҕинэн ыытылынна: «Таабырыннар», «Өс хоһооннор», «Сомоҕо-домох», «Туттар тэриллэр», «Суруйааччылар», «Олоҥхо».
- 1 миэстэни элбэх боппуруостарга сөптөөх хоруйу биэрэннэр Герой Н. С. Степанов аатынан 3 №-дээх оскуола «Дьулуур» хамаандата ылла.
- 2 миэстэни Г. И. Чиряев аатынан 1 №-дээх оскуола «Утум» хамаандата ылла.
- 3 миэстэни Г. С. Донской аатынан 2 №-дээх «Ньургуһун» хамаандата ылла.
Тэрээһиҥҥэ оскуолалартан хамаанда туруоран оҕолору салайан аҕалбыт учууталларга Мария Касьяновна Муксуноваҕа, Нюргуйаана Алексеевна Ивановаҕа, Ньургуйаана Ивановна Филипповаҕа, Анна Васильевна Яковлеваҕа махтанабыт.
Өбүгэлэрбит баай култуураларын илдьэ сылдьар төрөөбүт төрүт тылбыт, сахалыы саҥабыт туругура турдун.
Бүлүүтээҕи оройуоннай оҕо бибилэтиэкэтэ