Олунньу 13 күнэ Саха сиригэр «Төрөөбүт тыл, сурук-бичик күнэ». Баппаҕаайытааҕы Алаһа СК «Тыл омук-тыына» диэн нэһилиэкпит түмсүүлэрэ, ансамбыллара кыттыылаах олус сэргэх тэрээһин буолан ааста. Барыта 9 түмсүүттэн 27 киһи кытынна…
Оонньуу-күрэҕи тойугунан аста Баппаҕаайытааҕы норуодунай учуутал М.А. Алексеев аатынан орто оскуола музыкаҕа учуутала М. Е. Кириллина.
Бастакы түһүмэххэ сканворд таайдылар, иккис түһүмэххэ хамаандаттан биирдии киһи мүнүүтэҕэ аахтылар.
Баппаҕаайытааҕы орто оскуола библиотекара Платонова С. С., Алаһа СК уус–уран салайааччыта Т. Г. Григорьева, звукооформитель Г. С. Кириллин, дьүүллүүр сүбэ буолан түмүгү таһаардылар. Оонньууну бэлэмнээн ыытта олохтоох бибилэтиэкэ библиотекара А. М. Сидорова. Оонньууну ыытарга көмөлөстө Тарабукин М.И.
Бастыҥ сканворд таайааччылар Бильярдистар уонна дьахтар Сэбиэтин хамаандалара буоллулар.
Бастыҥ мүнүүтэҕэ ааҕааччы дьахтар Сэбиэтин хамаандатыттан Жиркова И.Н. мүнүүтэҕэ 193 тылы ааҕан бастаата.
Күрэх түмүгүнэн бастакы миэстэни ылла – дьахтар Сэбиэтин хамаандата, иккиһи – бэтэрээннэр Сэбиэттэрин хамаандата, үсүһү-бильярдистар.
Бары түмсүүлэр хамаанда тэринэ охсон көхтөөх кыттыыны ылбыттарыгар махтал!
А. М. Сидорова, Баппаҕаайы нэһилиэгин бибилэтиэкэтин кыл. бибилэтиэкэрэ